Covid-19

ប្រុងប្រយ័ត្នទាំងអស់គ្នា ចំនួនអ្នកស្លាប់ដោយ សារជំងឺកូវីដ-១៩ នៅទូទាំងពិភពលោក កើនឡើងដល់ជាង ៤លាននាក់ ហើយ

ឡុងដ៌៖ ការស្លាប់ដែលទាក់ទងនឹង ជំងឺឆ្លងកូវីដ-១៩ នៅទូទាំងពិភពលោក បានកើនឡើងដល់ជាង ៤ លាននាក់ហើយ កាលពីថ្ងៃព្រហស្បតិ៍ ខណៈប្រទេសជាច្រើនកំពុងព្យាយាម ទិញវ៉ាក់សាំងគ្រប់គ្រាន់ ដើម្បីចាក់ថ្នាំបង្ការរោគដល់ប្រជាជនរបស់ពួកគេ។

ខណៈពេលដែលចំនួនករណីឆ្លងថ្មី និងការស្លាប់បានថយចុះ នៅក្នុងបណ្តាប្រទេសដូចជាសហរដ្ឋអាមេរិក និងអង់គ្លេស ប្រទេសជាច្រើន មានការខ្វះខាតវ៉ាក់សាំង នៅពេលដែលមេរោគឆ្លង បានក្លាយជាភាពលេចធ្លោទូទាំងពិភពលោក។

វាចំណាយពេលជាងមួយឆ្នាំ សម្រាប់ចំនួនអ្នកស្លាប់ដោយសារ ជំងឺកូវីដ-១៩ ដែលកើនដល់ ២ លាននាក់ ខណៈដែល ២ លាននាក់បន្ទាប់ត្រូវបានកត់ត្រាក្នុងរយៈពេលតែ ១៦៦ ថ្ងៃប៉ុណ្ណោះ។

ប្រទេសចំនួន ៥ ដែលមានចំនួនអ្នកស្លាប់ប្រមាណ ៥០%នៃចំនួនសរុបទាំងអស់នៅលើពិភពលោក ដែលរួមមានសហរដ្ឋអាមេរិក ប្រេស៊ីល ឥណ្ឌា រុស្ស៊ី និងម៉ិកស៊ិក ខណៈប្រទេសប៉េរូ ហុងគ្រី បូស្នី សាធារណរដ្ឋឆែក និងហ្គីប្រាលតា មានអត្រាស្លាប់ខ្ពស់បំផុត។

ការស្លាប់ដែលកំពុងកើនឡើង កំពុងធ្វើឱ្យប៉ះពាល់ដល់សមត្ថភាពនៃការធ្វើពិធីបូជាសព នៅក្នុងប្រទេសកំពុងអភិវឌ្ឍ ហើយផ្នូរនៅតាមបណ្តាប្រទេសជាច្រើន ត្រូវបានបង្ខំឱ្យពង្រីកទីបញ្ចុះសពបន្ថែមទៀត ដោយសារចំនួនអ្នកស្លាប់នៅតែបន្ដកើនឡើងខ្លាំង៕ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top