បរទេស៖ យោងតាមការចេញផ្សាយ របស់ CGTN កាលពីថ្ងៃសៅរ៍ម្សិលមិញនេះ បានឲ្យដឹងថាប្រទេស ជាសមាជិកសហភាពអ៊ឺរ៉ុប ជាច្រើន បានធ្វើការបដិសេធ យ៉ាងដាច់អហការមិនគាំទ្រឡើយ ទៅលើ ផែនការចរចា ដែលបានស្នើឡើង ដោយប្រទេសអាល្លឺម៉ង់និងបារាំង ក្នុងការបើកការចរចាជាមួយ នឹងប្រទេសរុស្សី ឡើងវិញនោះ។
លោកស្រីអធិកាបតី អាល្លឺម៉ង់ Angela Merke និងប្រធានាធិបតីបារាំង Emmanuel Macron កាលពីពេលថ្មីនេះ ត្រូវបានគេដឹងថា បានដាក់សំណើរមួយ ទៅកាន់សហភាពអ៊ឺរ៉ុប ដើម្បីសុំ ការគាំទ្រឲ្យមានការចរចា និងពិភាក្សាគ្នាឡើងវិញ ជាមួយនឹងរុស្សី ក្រោយពេលដែលខ្លួនបានមើលឃើញ លទ្ធផលដ៏ល្អប្រសើរ អំពីកិច្ចប្រជុំ រវាងរុស្សីនិងអាមេរិក ប៉ុន្មានថ្ងៃមកនេះ។
គួរឲ្យដឹងដែរថា ទំនាក់ទំនង របស់សហភាពអ៊ឺរ៉ុបឬ EU ជាមួយនឹងរដ្ឋាភិបាល ក្រុងមូស្គូបានជួបបញ្ហាតានតឹងឡើង នៅក្រោយពេល ដែលព្រឹត្តិការណ៍ ចូលកាន់កាប់តំបន់ Crimea ដោយខុសច្បាប់ ពីសំណាក់ប្រទេសរុស្សី កាលពីឆ្នាំ២០១៤។
បញ្ហាតានតឹង រវាងអ៊ឺរ៉ុបនិងរុស្សី មិនទាន់ល្អប្រសើរឡើងវិញ នៅឡើយ ហើយចុងក្រោយនេះរុស្សី ក៏កើតឡើង នូវបញ្ហាមួយទៀត ជាមួយនឹងយោធា របស់អង់គ្លេស នៅក្នុងតំបន់សមុទ្រខ្មៅ ដោយរដ្ឋាភិបាល ក្រុងមូស្គូ បានអះអាងថា បានធ្វើការតាមបាញ់ និងទំលាក់គ្រាប់បែក ជាច្រើនទៅលើនាវារបស់អង់គ្លេស ផងដែរ៕
ប្រែសម្រួល៖ស៊ុនលី
