បរទេស៖ លោក Kjell Stefan Löfven កើតជាផ្លូវការនៅថ្ងៃទី ២១ ខែកក្កដា ឆ្នាំ ១៩៥៧) គឺជាអ្នកនយោបាយស៊ុយអែតបម្រើការជានាយករដ្ឋមន្ត្រីស៊ុយអែត តាំងពីឆ្នាំ ២០១៤ និងជាមេដឹកនាំគណបក្សសង្គមប្រជាធិបតេយ្យស៊ុយអែត តាំងពីឆ្នាំ ២០១២ ។ គិតត្រឹមថ្ងៃទី ២៩ ខែមិថុនាឆ្នាំ ២០២១លោកគឺជានាយករដ្ឋមន្រ្តីបណ្តោះ អាសន្នដែលមានទំនោរទៅរក ការលាលែងពីតំណែងរបស់រដ្ឋាភិបាល ដែលជាផ្នែកមួយនៃដំណើរការ នៃការព្យាយាមបង្កើតគណៈរដ្ឋមន្រ្តីថ្មី។
យោងតាមវែបសាយ Wikipedia បានឱ្យដឹងថា ឪពុករបស់លោក Stefan Löfven បានស្លាប់មុនពេលគាត់កើត។ គាត់ត្រូវបានគេដាក់នៅក្នុងមណ្ឌលកុមារកំព្រា មុនពេលត្រូវបានមើលថែរក្សាដោយក្រុមគ្រួសារចិញ្ចឹមមកពី Sunnersta, Sollefteå ជាកន្លែងដែលគាត់ធំឡើង។ យោងទៅតាមកិច្ចព្រមព្រៀងជាមួយក្រុមគ្រួសារនេះ ម្ដាយបង្កើតរបស់គាត់នឹងទទួលបានការថែរក្សាគាត់នៅពេលដែលគាត់មានលទ្ធភាព។ ទោះយ៉ាងណាក៏ដោយ ការសន្យាបែបនេះ វាមិនបានកើតឡើងទេ។
ឪពុកចិញ្ចឹមរបស់គាត់ឈ្មោះ Ture Melander (១៩២៦–២០០៣) ជាអ្នករកស៊ីកាប់ឈើ ហើយក្រោយមក ធ្វើជាកម្មកររោងចក្រ រីឯម្តាយចិញ្ចឹមរបស់គាត់គឺ Iris Melander (1929–2020) បានធ្វើការជាអ្នកមើលថែក្នុងផ្ទះ។
បន្ទាប់ពីចាកចេញពីសាលារៀន និងបញ្ចប់ការបំពេញកាតព្វកិច្ចជាយោធានៅក្នុងកងទ័ពអាកាស លោក Löfven បានទទួលការបណ្តុះបណ្តាលផ្នែកបង្រួបបង្រួម ហើយក្រោយមកបានចាប់ផ្តើមអាជីពជាសមាជិកសហជីពពាណិជ្ជកម្ម។ គាត់បានត្រូវគេបោះឆ្នោតជ្រើសរើសជា មនុស្សសំខាន់ នៅក្នុងសហភាពការងារដែកស៊ុយអ៊ែត (SMU) ហើយទីបំផុតគាត់ត្រូវបានគេបោះឆ្នោតជ្រើសរើសជាប្រធានទីមួយនៃ IF Metall នៅខែមករាឆ្នាំ ២០០៦ ដែលជាសហជីពថ្មីដ៏សំខាន់មួយដែលបាន បង្កើតឡើងពីសហជីពតូចៗជាច្រើនរួមទាំង SMU ផងដែរ បញ្ចូលគ្នា។
បន្ទាប់ពីការលាលែងពីតំណែងរបស់លោក Håkan Juholt ជាមេគណបក្សប្រជាធិបតេយ្យសង្គម កាលពីខែមករា ឆ្នាំ ២០១២ លោក Löfven ត្រូវបានជ្រើសរើសជា ឯកច្ឆន្ទដោយ ក្រុមប្រឹក្សាប្រតិបត្តិនៃគណបក្ស ប្រជាធិបតេយ្យសង្គម ដើម្បីជំនួសលោក Håkan Juholt ដើម្បីឡើងជាមេដឹកនាំថ្មីរបស់គណបក្សនេះ។ នេះក៏បានធ្វើឱ្យ Löfven ជាមេដឹកនាំនៃក្រុមប្រឆាំងផងដែរ ទោះបីគាត់មិនមានកៅអីនៅសភា Riksdag នៅពេលនោះក៏ដោយ។
លោក Löfven បានដឹកនាំគណបក្សប្រជាធិបតេយ្យសង្គម ក្នុងការបោះឆ្នោតឆ្នាំ ២០១៤ ។ ទោះបីជាការស្ទង់មតិដំបូងនាំឱ្យគណបក្សនេះទទួលបានអាសនៈតែមួយប៉ុណ្ណោះ ប៉ុន្តែដោយសារតែលទ្ធផលមិនល្អរបស់គណៈគ្រប់គ្រងគណបក្ស Moderate ដែលបានបាត់បង់អាសនៈចំនួន ២៣, លោក Löfven អាចបង្កើតរដ្ឋាភិបាលចម្រុះភាគតិចជាមួយគណបក្ស Green ។
គាត់ត្រូវបានតែងតាំងជានាយករដ្ឋមន្រ្តីនៃប្រទេសស៊ុយអែត នៅថ្ងៃទី ៣ ខែតុលាឆ្នាំ ២០១៤។ គាត់ទទួលបានអាណតិ្តទី ២ បន្ទាប់ពីការបោះឆ្នោតឆ្នាំ ២០១៨ ដែលបានមើលឃើញគណបក្សធំទាំងពីរទទួលរងនូវការខាតបង់; បន្ទាប់ពីការជាប់គាំងអស់រយៈពេលមួយខែ ដែលបង្កើតកំណត់ត្រាថ្មីសម្រាប់ការបង្កើតរដ្ឋាភិបាល លោក Löfven អាចរួចផុតពីការបោះឆ្នោតអនុបវាទពីសមាជិកសភា ដែលជាកម្មសិទ្ធិរបស់គណបក្សកណ្តាល គណបក្សឆ្វេងនិយម និងគណបក្សសេរីនិយម ហើយត្រូវបានបោះឆ្នោតឡើងវិញដោយសភា Riksdag នៅខែមករាឆ្នាំ ២០១៩ ។
នៅថ្ងៃទី ២១ ខែមិថុនាឆ្នាំ ២០២១ លោក Stefan Löfven បានបាត់បង់ចលនាទំនុកចិត្តមួយនៅ Riksdag បន្ទាប់ពីគណបក្សឆ្វេងនិយម បានដកការគាំទ្ររបស់ពួកគេដល់រដ្ឋាភិបាល។ នៅថ្ងៃទី ២៨ ខែមិថុនាឆ្នាំ ២០២១ លោក Löfven បានប្រកាសថា លោកនឹងស្នើសុំប្រធានសភាបច្ចុប្បន្ន គឺលោក Andreas Norlén ដើម្បីបញ្ចប់រដ្ឋាភិបាលបច្ចុប្បន្ន និងផ្តួចផ្តើមកិច្ចពិភាក្សាបង្កើតរដ្ឋាភិបាលថ្មី ដែលជាលទ្ធផលនៃការបោះឆ្នោតគ្មានទំនុកចិត្ត៕
ប្រែសម្រួលៈ ណៃ តុលា
