ព័ត៌មានអន្តរជាតិ

ទីបំផុត! ឥណ្ឌូនេស៊ី អនុញ្ញតឲ្យកុមារអាយុ ១២ដល់ ១៧ឆ្នាំ ចាក់វ៉ាក់សាំងការពារ ជំងឺកូវីដ-១៩

ហ្សាការតា៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២ ខែកក្កដា ឆ្នាំ២០២១ថា ក្រសួងសុខាភិបាលរបស់ប្រទេសឥណ្ឌូនេស៊ី បានដាក់កម្មវិធីចាក់វ៉ាក់សាំងការពារជំងឺកូវីដ-១៩ ជាទ្រង់ទ្រាយធំកាលពីថ្ងៃព្រហស្បតិ៍ សម្រាប់កុមារអាយុ១២ដល់១៧ឆ្នាំ ដែលជារដ្ឋធានីជាតិបានធ្វើឡើងដំបូងបង្អស់របស់ខ្លួនសម្រាប់ការ ចាក់ថ្នាំដល់មនុស្សវ័យជំទង់ ។

យ៉ាងហោចណាស់ក្រុមនិស្សិតតិចបំផុត ១០០នាក់ បានទទួលដូសដំបូងរបស់ពួកគេនៅក្នុងព្រឹត្តិការណ៍ ចាក់វ៉ាក់សាំងនៅតាមសាលាសាធារណៈ ភាគកណ្តាលក្រុងហ្សាការតា ។ ការចាក់ថ្នាំនៅក្នុងទីក្រុង គឹជាគោលដៅដើម្បីធ្វើការចាក់វ៉ាក់សាំងដែលមានកុមារច្រើននាក់ចំនួន ១,៣លាននាក់ នៅតាមសាលារៀននានា និងមណ្ឌលថែទាំជំងឺ ។

កុមារអាយុ ១២ដល់ ១៧ឆ្នាំ ដែលអាចចាក់វ៉ាក់សាំង Sinovac បន្ទាប់ពីទីភ្នាក់ងារត្រួតពិនិត្យឳសថ និងចំណីអាហារជាតិរបស់ប្រទេសឥណ្ឌនេស៊ី បានប្រកាសឲ្យប្រើប្រាស់ជាបន្ទាន់ដោយផ្តល់អាជ្ញាបណ្ណឲ្យប្រើប្រាស់ កាលពីយប់ថ្ងៃអាទិត្យ ។

គិតត្រឹមថ្ងៃទី១ ខែកក្កដា ពលរដ្ឋជាង៣០,៤៨លាននាក់បានទទួលការចាក់វ៉ាក់សាំងដូសដំបូងរបស់ពួកគេ ទន្ទឹមនឹងនេះដែរ ១៣,៦៧លានបានទទួលដូសលើកទី២ របស់ពួកគេ ៕ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top