ព័ត៌មានអន្តរជាតិ

មីយ៉ាន់ម៉ា មានអ្នកឆ្លងជំងឺកូវីដ-១៩ថ្មី ជិត៣ពាន់នាក់

រ៉ងហ្គូន ៖ ទីភ្នាក់ងារព័ត៌មានចិនស៊ិនហួ បានចុះផ្សាយ កាលពីរាត្រីថ្ងៃទី៥ ខែកក្កដា ឆ្នាំ២០២១ថា ក្រសួងសុខាភិបាល និងកីឡាបានចេញ ប្រកាសមួយឲ្យដឹងថា ប្រទេសមីយ៉ាន់ម៉ា ត្រូវបានគេរាយការណ៍មកថា មានករណីថ្មី នៃជំងឺកូវីដ-១៩ចំនួន២.៩៦៩នាក់ គិតត្រឹមថ្ងៃចន្ទ ដែលនាំឲ្យចំនួនអ្នកឆ្លង សរុបនៅក្នុងប្រទេស កើនឡើងដល់១៦៨.៣៧៤នាក់ ។

សេចក្តីប្រកាសបានដាក់ថា ចំនួនអ្នកស្លាប់បានកើនឡើង ដល់៣.៤៦១នាក់ បន្ទាប់ពីមានអ្នកស្លាប់បន្ថែមទៀត ចំនួន៤២នាក់ ត្រូវបានរាយការណ៍ឲ្យដឹងនៅក្នុង រយៈពេល២៤ម៉ោងកន្លងទៅនេះ ។

តួលេខ របស់ក្រសួងបានឲ្យដឹងថា សរុបអ្នកជំងឺ ចំនួន១៣៩.៤៧៣នាក់ បានចាកចេញពីមន្ទីរពេទ្យ និងវត្ថុវិភាគជាង២,៧៨លាននាក់ បានធ្វើតេស្តរកមើល មេរោគបង្កជំងឺកូវីដ-១៩ ។

ប្រទេសមីយ៉ាន់ម៉ា បានរកឃើញករណីឆ្លងជំងឺកូវីដ-១៩ ចំនួន២ករណីជាលើកដំបូង នៅថ្ងៃទី២៣ ខែមីនា ឆ្នាំមុន ៕
ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top