Covid-19

ការសិក្សាដោយសិង្ហបុរី៖ ការចាក់វ៉ាក់សាំងការពារជំងឺកូវីដ-១៩ គ្រប់កម្រិត អាចប្រឆំាង នឹងការឆ្លងវីរុស ក្លាយពូជ Delta បានប្រមាណ៦៩ភាគរយ (Video)

សិង្ហបុរី៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី៧ ខែកក្កដា ឆ្នាំ២០២១ថាលោក Ong Ye Kung រដ្ឋមន្រ្តីក្រសួងសុខាភិបាល បានថ្លែងនៅថ្ងៃពុធទី ៧ ខែកក្កដានេះថា ការសិក្សាមួយនៅក្នុងប្រទេសសឹង្ហបុរី បានរកឃើញថា ការចាក់វ៉ាក់សាំងការពារជំងឺកូវីដ-១៩បានគ្រប់កម្រិត គឺផ្តល់ការការពារប្រហែល៦៩ ភាគរយប្រឆាំងនឹងការឆ្លងមេរោគ ។

ដោយដកស្រង់ការសិក្សាស្រាវជ្រាវដោយមជ្ឈមណ្ឌលជាតិប្រយុទ្ធនឹងជំងឺឆ្លង ហៅកាត់ថា (NCID) និងក្រសួងសុខាភិបាល (MOH) គាត់បានថ្លែងថា ទិន្នន័យក៏បានបង្ហាញផងដែរថា ការការពារវ៉ាក់សាំងប្រឆាំងនឹងរោគសញ្ញាគឺ “ចន្លោះពី៨០ ទៅ៩០ភាគរយ” ។

លោកបានឲ្យដឹងទៀតថា “ប្រសិទ្ធភាពនៃការចាក់វ៉ាក់សាំងប្រឆាំងនឹងជំងឺធ្ងន់ធ្ងរកូវីដ-១៩ ដែលទាមទារការបំពេញបន្ថែមអុកស៊ីសែន ការថែរក្សា ឬការស្លាប់របស់ ICU គឺមាន៩៣ភាគរយ” ។

មជ្ឈមណ្ឌល និងក្រសួងសុខាភិបាល កាលពីពេលថ្មីៗនេះបានបញ្ចប់ការសិក្សាអំពីទំនាក់ទំនងគ្រួសារប្រហែល១.០០០ នៃករណីកូវីដ-១៩ នៅចន្លោះខែកញ្ញាឆ្នាំ២០២០ និងចុងខែឧសភា ឆ្នាំនេះ ។

រដ្ឋមន្រ្តីក្រសួងសុខាភិបាលបានថ្លែងថា ការរកឃើញទាំងនេះនឹងត្រូវបានដាក់ជូនសម្រាប់ការបោះពុម្ពផ្សាយជាអន្តរជាតិហើយគឺជាការចូលរួមចំណែករបស់ប្រទេសសិង្ហបុរី ក្នុងការយល់ដឹងអំពីវីរុសក្លាយពូជ Delta និងវ៉ាក់សាំងផងដែរ ៕ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top