ព័ត៌មានអន្តរជាតិ

អ្នកវិភាគ៖ ផែនការកេណ្ឌទ័ពថ្មី របស់ចិនអាចបង្កើនកងទ័ព នៅពេលសង្គ្រាម

បរទេស៖ ប្រទេសចិន តាមសេចក្តីរាយការណ៍ បានបង្ហាញជាលើកដំបូង នូវផែនការកេណ្ឌកងទ័ពសម្រាប់សង្គ្រាម ដែលអ្នកជំនាញនានានិយាយថា នឹងជាការត្រៀមរៀបប្រទេសយ៉ាងល្អឡើង សម្រាប់ជម្លោះប្រដាប់អាវុធណាមួយ។

ទីភ្នាក់ងារសារព័ត៌មាន South China Morning Post បានរាយការណ៍នៅថ្ងៃពុធម្សិលមិញនេះថា សំណើមួយពីក្រសួងកិច្ចការ អតីតយុទ្ធជនរបស់ប្រទេសចិន បានដាក់បញ្ចូលផែនការ ជ្រើសរើសអតីតយុទ្ធជនយោធា ធ្វើឲ្យមន្ត្រីយោធាចូលនិវត្តន៍និងនៅជួរមុខ ត្រូវបានគេចាត់ទុកថា ជាអាទិភាពកំពូល។

សំណើរនេះ នឹងត្រូវផ្ទេរឲ្យក្រុមប្រឹក្សារដ្ឋរបស់ចិន ឬក៏គណៈកម្មការយោធាកណ្ដាល នូវទំនួលខុសត្រូវក្នុងការធ្វើសេចក្តីព្រាងទាហាន ទៅទីភ្នាក់ងារនានាដែលស្ថិតនៅក្នុងកម្រិតផ្សេងគ្នា ហើយសេចក្តីរាយការណ៍បាននិយាយថា អតីតយុទ្ធជនអាចធ្វើការចូលរួម ជាថ្មីក្នុងអង្គភាពរបស់ពួកគេ ឬក៏ត្រូវចាត់តាំងឲ្យមានមុខតំណែងថ្មី។

គួរបញ្ជាក់ថា ប្រទេសចិន នាពេលបច្ចុប្បន្ននេះ កំពុងតែប្រើប្រាស់ប្រព័ន្ធផ្សព្វផ្សាយសង្គម ដើម្បីប្រមូលមតិយោបល់សាធារណៈ ស្តីពីសេចក្តីព្រាងនោះ។ ប្រទេសចិនមិនបានរៀបចំ ផែនការកេណ្ឌទ័ព ចាប់តាំងពីឆ្នាំ២០០១មកម្ល៉េះ ហើយសំណើកេណ្ឌទ័ពដំបូង គឺត្រូវបានដាក់ចេញនៅក្នុងឆ្នាំ១៩៨៥ ៕

ប្រែសម្រួល៖ ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top