ព័ត៌មានអន្តរជាតិ

១០ថ្ងៃដំបូង ដើមខែកក្កដា ការនាំចេញរបស់កូរ៉េខាងត្បូង កើនឡើងជាង ១៤ភាគរយ

សេអ៊ូល៖ ទិន្នន័យគយ បានបង្ហាញនៅថ្ងៃចន្ទនេះ បានឲ្យដឹងថា ការនាំចេញរបស់ប្រទេសកូរ៉េខាងត្បូង បានកើនឡើង ១៤,១ ភាគរយក្នុងរយៈពេល ១០ ថ្ងៃដំបូងដើមខែកក្កដាដោយសារតម្រូវការដ៏រឹងមាំ សម្រាប់បន្ទះឈីបរថយន្តអូតូ និងផលិតផលប្រេង។

យោងតាមទិន្នន័យពីសេវាគយកូរ៉េបានឱ្យដឹងថា ការនាំចេញទៅក្រៅប្រទេសរបស់ប្រទេសនេះមានចំនួន ១៥,១ ពាន់លានដុល្លារក្នុងរយៈពេលពីថ្ងៃទី០១-១០ ខែកក្កដា ធៀបនឹង ១៣,២ ពាន់លានដុល្លារ កាលពីឆ្នាំមុន។

ការនាំចេញរបស់ប្រទេសនេះ គ្រោងនឹងកើនឡើងដល់ ៩ ខែជាប់គ្នា ក្នុងខែកក្កដា ប្រសិនបើល្បឿនបច្ចុប្បន្ននៅតែបន្ត។ ការនាំចេញទៅក្រៅប្រទេសដែលមានចំនួនពាក់កណ្តាលនៃសេដ្ឋកិច្ចបានកើនឡើង ៣៩,៧ ភាគរយកាលពីខែមិថុនា។

ទិន្នន័យបានបង្ហាញថា ការនាំចូលបានកើនឡើង ៣៣,៣ ភាគរយ ដល់ ១៩ ពាន់លានដុល្លារ ដែលជាហេតុធ្វើឱ្យឱនភាពពាណិជ្ជកម្មមានចំនួន ៣,៩ ពាន់លានដុល្លារក្នុងអំឡុងពេលនេះ៕ ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top