ឡុងដ៏៖ ទូរទស្សន៍ BBC បានផ្សព្វផ្សាយព័ត៌មាន ឲ្យដឹងនៅថ្ងៃទី១៣ ខែកក្កដា ឆ្នាំ២០២១ថា ប៉ូលិសក្រុង បានរឹបអូស បានរូបិយបណ្ណឌីជីថល ដែលមានតម្លៃទឹកប្រាក់ ១៨០លានផោន ដែលជាប់ទាក់ទង នឹងការលាងលុយ អន្តរជាតិ នៅទីក្រុងឡុងដ៏ ។
ការរឹបអូសនេះ គឺជាប្រភេទធំបំផុត នៅចក្រភពអង់គ្លេស ដែលបានបំបែកកំណត់ត្រា មុននៅពេលដែលក្រុង បានរឹបអូសយករូបិយបណ្ណ ឌីជីថល ដែលមានទឹកប្រាក់ ចំនួន១១៤លានផោន កាលពីថ្ងៃទី២៤ ខែមិថុនាកន្លងទៅ ។
ស្ត្រីអាយុ៣៩ឆ្នាំ ម្នាក់ ត្រូវបានចាប់ខ្លួន ពីបទសង្ស័យ លាងលុយកខ្វក់ កាលពីថ្ងៃទី២៤ ខែមិថុនា ត្រូវបានសាកសួរ ជុំវិញការរឹបអូសយកថ្មីនេះ ។
ចាប់តាំងពីពេលនោះ មកនាង ត្រូវបានគេឲ្យនៅក្រៅឃុំ ។
បទបញ្ជាប្រឆាំង ឧក្រិដ្ឋកម្មសេដ្ឋកិច្ច របស់ក្រុងបានធ្វើការរឹបអូស បន្ទាប់ពីតាមដានព័ត៌មាន សម្ងាត់ ដែលទទួលបាន អំពីការផ្ទេរទ្រព្យសម្បត្តិ ព្រហ្មទណ្ឌ ។ ការស៊ើបអង្កេត កំពុងបន្តធ្វើ ។
ប្រតិបត្តិការ ដែលបានធ្វើដោយប្រើរូបិយបណ្ណ ឌីជីថល នេះ អាចផ្តល់នូវភាពអនាមិក បន្ថែមដល់អ្នកផ្ញើ និងអ្នកទទួលប្រាក់ ។
ក្រុងមិនបានបញ្ជាក់ ថាតើ រូបិយបណ្ណ ឌីជីថល មួយណាដែលពួកគេរឹបអូស បាននោះទេ ៕
ដោយ៖ ម៉ៅ បុប្ផាមករា
