ព័ត៌មានអន្តរជាតិ

ចិន ទទូចដល់ភាគី ពាក់ព័ន្ធបញ្ឈប់ការ ធ្វើនយោបាយ លើប្រភពដើមនៃជំងឺកូវីដ- ១៩

ប៉េកាំង ៖ អ្នកនាំពាក្យក្រសួង ការបរទេសចិន បានឲ្យដឹងថា ប្រទេសចិន បានជំរុញឱ្យភាគីពាក់ព័ន្ធបញ្ឈប់ការកេង ចំណេញនយោបាយ លើបញ្ហាប្រភពដើម នៃជំងឺកូវីដ -១៩ បញ្ឈប់ការប្រើប្រាស់បញ្ហានេះ ដើម្បីបន្ទោស និងបញ្ឈប់ការធ្វើអំពើ សហប្រតិបត្ដិការស្រាវជ្រាវ ប្រភពដើម។

អ្នកនាំពាក្យបានធ្វើការកត់សម្គាល់នេះ បន្ទាប់ពីប្រទេស ចំនួន ៤៤ កាលពីថ្ងៃព្រហស្បតិ៍ បានដាក់លិខិតរួមគ្នាមួយ ទៅកាន់អគ្គនាយកអង្គការសុខភាពពិភពលោក Tedros Adhanom Ghebreyesus ហើយប្រទេសចំនួន៤ បានសរសេរលិខិតដាច់ ដោយឡែកពីគ្នា លើបញ្ហាប្រភពដើមនៃជំងឺកូវីដ-១៩ ។

ពួកគេបានស្វាគមន៍ ការសិក្សារួមគ្នារបស់អង្គការ សុខភាពពិភពលោក – ចិន ស្តីពីការតាមដានប្រភពដើម នៃជំងឺកូវីដ- ១៩ ដោយសង្កត់ធ្ងន់ថា ការរកប្រភពដើមនៃវីរុស គឺជាការងារវិទ្យាសាស្ត្រ ហើយប្រឆាំងនឹង បញ្ហានយោបាយ ។

អ្នកនាំពាក្យបានលើកឡើងថា ប្រទេសចំនួន ៤៨ បានផ្ញើលិខិតទៅអគ្គនាយកអង្គការ សុខភាពពិភពលោក ស្តីពីការរកប្រភពដើមដោយសង្កត់ធ្ងន់ថា វីរុសនេះ គឺជាសត្រូវទូទៅរបស់មនុស្សជាតិ ហើយមានតែតាមរយៈការបង្រួបបង្រួម និងសហការគ្នាប៉ុណ្ណោះ ទើបសហគមន៍អន្តរជាតិអាចកម្ចាត់វាបាន។

អ្នកនាំពាក្យបានបន្ថែមទៀតថា ពួកគេបានស្វាគមន៍ ការសិក្សារួមគ្នារបស់អង្គការ សុខភាពពិភពលោក- ចិន ស្តីពីការតាមដានប្រភពដើម នៃជំងឺកូវីដ- ១៩ ដែលត្រូវបានចេញផ្សាយ ដោយអង្គការសុខភាពពិភពលោក ហើយពួកគេជឿជាក់ថា របាយការណ៍វិទ្យាសាស្ត្រនេះ គួរតែជាមូលដ្ឋាន និងជាមគ្គុទេសក៍ សម្រាប់លើកកម្ពស់ការងារ តាមដានប្រភពដើមពិភពលោក ។

ពួកគេបានចង្អុលបង្ហាញថា ការតាមដានប្រភពដើមវីរុស គឺជាការងារវិទ្យាសាស្ត្រ ដែលពឹងផ្អែកលើការស៊ើបអង្កេត និងការស្រាវជ្រាវ របស់អ្នកវិទ្យាសាស្ត្រ នៅលើខ្នាតពិភពលោក ដោយសង្កត់ធ្ងន់ថា បញ្ហានៃប្រភពដើម មិនអាចត្រូវបានធ្វើនយោបាយបាននោះទេ ។

អ្នកនាំពាក្យរូបនោះបានបន្ដថា ពួកគេក៏បានអំពាវនាវដល់លេខាធិការដ្ឋាន របស់អង្គការសុខភាពពិភពលោក ដើម្បីសហការជាមួយរដ្ឋជាសមាជិក ដើម្បីលើកកម្ពស់ការស្រាវជ្រាវ ប្រភពដើមពិភពលោក ដោយអនុលោម តាមដំណោះស្រាយ ដែលពាក់ព័ន្ធ នៃសភាសុខភាពពិភពលោក។

ចាប់ពីដំណាក់កាលដំបូង នៃរោគរាតត្បាតប្រទេសចិន បានបង្ហាញអាកប្បកិរិយាខាងវិទ្យាសាស្ត្រវិជ្ជាជីវៈ និងមានទំនួលខុសត្រូវលើការរកប្រភពដើម។ អ្នកនាំពាក្យរូបនេះបានបន្ថែមទៀតថា ប្រទេសចិន បាននាំមុខក្នុងកិច្ចសហប្រតិបត្តិការស្វែងរកប្រភពដើមជាសកល ជាមួយអង្គការ សុខភាពពិភពលោក ដោយបន្ថែមថាអាកប្បកិរិយាបើកចំហ និងតម្លាភាពរបស់ចិន លើបញ្ហានៃប្រភពដើម នៃវីរុស ត្រូវបានទទួលស្គាល់ដោយអ្នក ជំនាញអន្តរជាតិ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top