បរទេស៖ កាលពីថ្ងៃសុក្រសម្សិលមិញនេះ ក្រុមហ៊ុនផលិត រថយន្តអាមេរិក Ford Motor បានប្រកាសក្នុងការហៅត្រឡប់មកវិញ នូវរថយន្ត ប្រភេទ Explorer SUV ប្រមាណជា៧៧៥ ០០០គ្រឿងក្រោយរកឃើញមានករណី របួសដល់ទៅ៦ដង ពាក់ព័ន្ធទៅនឹងបញ្ហាចង្កូត។
ការប្រកាសហៅនេះ ត្រូវបានក្រុមហ៊ុន បញ្ចាក់ទៀតថាធ្វើឡើង សម្រាប់ម៉ូដេលដែលផលិតឡើង ក្នុងចន្លោះពីឆ្នាំ២០១៣ ដល់ឆ្នាំ២០១៧ ដែលសុទ្ធតែ រថយន្តអាចនឹងប្រឈមមុខ ទៅនឹងបញ្ហាចង្កូតខ្ពស់ ជាងម៉ូដេលផ្សេងទៀត។
ក្នុងនោះគេអាចដឹង ទៀតដែរថា រថយន្តប្រមាណជា៦៧៦ ១៥២គ្រឿងត្រូវបានហៅមកវិញ ចេញពីទីផ្សារ ក្នុងទ្វីបអាមេរិកខាងជើង ប្រមាណជា៥៩ ៩៣៥គ្រឿង ចេញពីទីផ្សារប្រទេសចិន និងប្រមាណជា៣៨ ៦០០គ្រឿង ចេញពីទីផ្សារប្រទេសផ្សេងៗទៀត លើលោក។
នៅក្នុងសេចក្តីប្រកាស ដដែល Ford ក៏បានប្រកាសហៅរថយន្តម៉ូដែល ឆ្នាំ២០២០-២០២១ប្រមាណជា៤១ ០០០គ្រឿងផងដែរនៃរថយន្ត Lincoln Aviator ដែល បំពាក់ជាមួយនឹងម៉ាស៊ីនដើរ ដោយហ្គាសទំហំ 3.0-liter ផងដែរដោយសារតែបញ្ហាថ្ម របស់រថយន្តដែលមិនសូវ មានសុវត្ថិភាព៕
ប្រែសម្រួល៖ស៊ុនលី
