បរទេស៖ យោងទៅតាមសេចក្តីរាយការណ៍មួយ បានឲ្យដឹងថា ថ្នាំវ៉ាក់សាំងកូវីដ១៩ សម្រាប់ប្រទេសកូរ៉េខាងជើង កំពុងតែត្រូវបានពន្យាពេល ព្រោះតែរបបរបស់លោក គីម ជុងអ៊ុន មិនបំពេញតាមតម្រូវការ សម្រាប់ការដឹកជញ្ជូន។
![](https://dap-news.com/wp-content/uploads/2021/08/926-1024x682.jpg)
មន្ត្រីនាំពាក្យ ឲ្យមូលនិធិកុមារអង្គការ សហប្រជាជាតិ ហៅកាត់ថា UNICEF បាននិយាយប្រាប់ថា ទីក្រុងព្យុងយ៉ាង មិនបានធ្វើការរៀបចំតាមដែលតម្រូវឲ្យធ្វើ បន្ទាប់ពីព្រមព្រៀង នាំចូលថ្នាំវ៉ាក់សំាងកូវីដ១៩ ចំនួនប្រហែល១,៧លានដូស នោះទេ។
UNICEF បាននិយាយយ៉ាងដូច្នេះថា “រដ្ឋាភិបាលមិនបានបំពេញ តាមទាំងស្រុង នូវជំហានត្រៀមរៀបចំចាំបាច់ នានាដែលតម្រូវ ដើម្បីទទួលបានថ្នាំវ៉ាក់សាំង ឧបត្ថម្ភ ដោយកម្មវិធី COVAX ប៉ុន្តែ UNICEF នឹងផ្តល់ជំនួយ ផ្នែកបច្ចេកទេស នៅក្នុងចំណុចនេះ” ។
តាមសេចក្តីរាយការណ៍ នាពេលបច្ចុប្បន្ន អង្គការសុខភាពពិភពលោក និង UNICEF កំពុងតែបន្តធ្វើការងារជាមួយ ក្រសួងសុខាភិបាល សាធារណៈ របស់ប្រទេសកូរ៉េខាងជើង ដើម្បីធានាឲ្យទទួលបាន ថ្នាំវ៉ាក់សាំងកូវីដ១៩ តាមរយៈកម្មវិធី COVAX៕
ប្រែសម្រួល៖ប៉ាង កុង
![](https://dap-news.com/wp-content/uploads/2020/08/1-1.png)