ប៉េកាំង៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី៦ ខែសីហា ឆ្នាំ២០២១ថា នៅថ្ងៃសុក្រនេះ ក្រសួងការបរទេសចិន បានរិះគន់ទៅលើការផ្តល់ការសិទ្ធិជ្រកកោន ជាបណ្តោះអាសន្នរបស់ពលរដ្ឋក្រុងហុងកុង ថា ជា “ការប៉ុនប៉ងឥតប្រយោជន៍ដើម្បីធ្វើឱ្យមានការរើសអើង” ទីក្រុងពាក់កណ្តាលស្វយ័ត និងរដ្ឋាភិបាលកណ្តាលចិន ។
សេចក្តីថ្លែងការណ៍ពីការិយាល័យរបស់ក្រសួង នៅទីក្រុងហុងកុង បានកើតឡើងប៉ុន្មានម៉ោង បន្ទាប់ពីប្រធានាធិបតីលោក ចូ បៃដិន បានធ្វើការផ្តល់ជូនជាការឆ្លើយតបទៅនឹងការកើនឡើងរបស់ទីក្រុងប៉េកាំង ដើម្បីរឹតបន្តឹងការគ្រប់គ្រងនិងកម្ទេចក្រុមប្រឆាំងគាំទ្រលទ្ធិប្រជាធិបតេយ្យ ។
លោក បៃដិន បានចុះហត្ថលេខាលើអនុស្សរណៈ មួយដែលអនុញ្ញាតឱ្យប្រជាជនមកពី ហុងកុង បច្ចុប្បន្នកំពុងរស់ នៅសហរដ្ឋអាមេរិករស់នៅ និងធ្វើការនៅក្នុងប្រទេសនេះរយៈពេល១៨ខែ ជាការឆ្លើយតបដោយផ្ទាល់ចំពោះ ច្បាប់សន្តិសុខជាតិថ្មីដ៏ធំសម្រាប់ហុងកុង និងវិធានការផ្សេងទៀតដែលរំលោភសិទ្ធិដែល បានសន្យានៅពេលអតីតអាណានិគមអង់គ្លេស ត្រូវបានប្រគល់សិទ្ធិទៅឱ្យប្រទេសចិន វិញក្នុងឆ្នាំ ១៩៩៧ ។
ករណីនេះក៏កើតឡើងផងដែរ នៅពេលដែលប្រទេសចិន និងសហរដ្ឋអាមេរិក មានភាពផ្ទុយគ្នាលើគោលនយោបាយការបរទេស និងពាណិជ្ជកម្មជាច្រើន ។ ក្រសួងការបរទេសបានឲ្យដឹងថា ចំណាត់ការរបស់លោក បៃ ដិន “ និយាយបង្កាច់បង្ខូច និងញុះញង់ច្បាប់សន្តិសុខជាតិហុងកុង អន្តរាគមន៍ដោយបានបកអាក្រាតក្នុងកិច្ចការហុងកុង និងកិច្ចការផ្ទៃក្នុងរបស់ចិន ហើយជាន់ឈ្លីច្បាប់អន្តរជាតិ និងបទដ្ឋានមូលដ្ឋាននៃទំនាក់ទំនងអន្តរជាតិ” ៕
ប្រែសម្រួលដោយ៖ ម៉ៅ បុប្ផាមករា
