បរទេស៖ យោងតាមការបញ្ជាក់របស់មន្ត្រីការទូត២រូប និងត្រូវបានយកមកចេញផ្សាយដោយ CNA នៅថ្ងៃអង្គារនេះបានឲ្យដឹងថាមេដឹកនាំប្រទេស G7 បាននាំគ្នាធ្វើការសន្យាដើម្បីរួបរួមគ្នាដើម្បីថាតើអាច សម្រេចចិត្តទទួលស្គាល់ជាផ្លូវ ការឬក៏ត្រូវដាក់ទណ្ឌកម្មទៅលើក្រុមតាលីបង់។
សេចក្តីប្រកាសនេះត្រូវបានធ្វើឡើងនៅ ក្នុងពេលនៃកិច្ចប្រជុំតាមអនឡាញដើម្បីពិភាក្សាទៅលើបញ្ហានៃក្រុមតាលីបង់ និងនៅក្រោយពេលដែលអាមេរិក និងសម្ព័ន្ធមិត្តរបស់អាមេរិកបានបន្តធ្វើការ ដកទូតចេញពី ប្រទេសអាហ្គានីស្ថាន។
ទូតម្នាក់របស់អ៊ឺរ៉ុបបានបញ្ជាក់ថាមេដឹកនាំ G7 បានយល់ព្រមពក្នាក្នុងការសហប្រតិបត្តិការគ្នាទៅលើកិច្ចការងារថា តើគួរទទួលស្គាល់ទៅលើការដឹកនាំរបស់ក្រុមតាលីបង់ ហើយបានប្តេជ្ញាចិត្តក្នុងការបន្តធ្វើការជិត ស្និទ្ធជាមួយគ្នាបន្ថែមទៀត។
គួរឲ្យដឹងដែរថាអាហ្គានីស្ថាន ត្រូវបានគ្រប់គ្រងជាផ្លូវការដោយក្រុមតាលីបង់ យ៉ាងលឿនបំផុតបន្ទាប់ពីសហរដ្ឋអាមេរិក បានប្រកាសដកខ្លួនចេញពីប្រទេសខណៈដែលប្រធានាធិបតីអាហ្គានីស្ថាន លោក Ashraf Ghani បានលួចចាកចេញពី ប្រទេសហើយរដ្ឋាភិបាលនៃបណ្តាប្រទេស ជាច្រើនបានបន្តបន្ទាប់នាំគ្នាភៀសខ្លួនចេញពីប្រទេស៕
ប្រែសម្រួល៖ស៊ុនលី
