Covid-19

ឥណ្ឌូនេស៊ី បង្កើនការចាក់វ៉ាក់សាំងកូវីដ-១៩ ឲ្យដល់ ២,៣លាននាក់ ក្នុង១ថ្ងៃ

ហ្សាការតា៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២ ខែកញ្ញា ឆ្នាំ២០២១ថា ឥណ្ឌូនេស៊ី បានបង្កើនគោលដៅ ចាក់វ៉ាក់សាំងការពារជំងឺកូវីដ-១៩ ដល់ ២,៣លាននាក់ក្នុង១ថ្ងៃ នៅក្នុងខែកញ្ញានេះពី ២លានដូសក្នុងខែសីហា ដើម្បីបង្កើនសមិទ្ធផល នៃការបង្កើតឲ្យមានភាពសុំា និងបញ្ចប់ការឆ្លងរាតត្បាត ។ មន្ត្រីមួយរូបបានឲ្យដឹង នៅថ្ងៃព្រហស្បតិ៍ ។

លោក Dante Saksono អនុរដ្ឋមន្រ្តីក្រសួងសុខាភិបាល បានថ្លែងថា “យើងមានសុទិដ្ឋិនិយមថា គោលដៅរបស់យើងចំនួន ២,៣លានដូសក្នុងមួយថ្ងៃ នឹងសម្រេចបាន” ។

ឥណ្ឌូនេស៊ី បានបង្កើនល្បឿននៃ ការចាក់វ៉ាក់សាំងការពារជំងឺកូវីដ-១៩ ក្នុងរយៈពេល ២ខែចុងក្រោយនេះ ដោយចាក់វ៉ាក់សាំងចំនួន ៥០លានដូស ក្នុងរយៈពេល ៦សប្តាហ៍ ឬចាប់ពីពាក់កណ្តាលខែកក្កដា ដល់ខែសីហា ។

ទន្ទឹមនឹងនេះ ចាប់ពីខែមករាដល់ខែមិថុនា រដ្ឋាភិបាលបានចាក់វ៉ាក់សាំងការពារជំងឺកូវីដ-១៩ ចំនួន៥០លានដូស ដល់ប្រជាពលរដ្ឋរបស់ខ្លួន ៕

ប្រែសម្រួលដោយ៖ ម៉ៅ បុប្ផាមករា

To Top