បរទេស ៖ នាយករដ្ឋមន្រ្តីថៃ លោក ប្រាយុទ្ធ ចាន់អូចា បានបញ្ជាក់ថា នឹងមិនមានការរុះរើគណៈរដ្ឋមន្ត្រីនាពេលខាងមុខនេះទេ ទោះបីមានការដកអនុរដ្ឋមន្ត្រីពីររូប កាលពីសប្តាហ៍មុនក៏ដោយ។
យោងតាមសារព័ត៌មាន Bangkok Post ចេញផ្សាយនៅថ្ងៃទី១៣ ខែកញ្ញា ឆ្នាំ២០២១ បានឱ្យដឹងថា ថ្លែងទៅកាន់អ្នកយកព័ត៌មាន កាលពីថ្ងៃអាទិត្យនាយករដ្ឋមន្រ្តី បាននិយាយថា ក្រសួងពាក់ព័ន្ធមានស្ថាន ការណ៍គ្របដណ្តប់។ លោកថា តំណាងរាស្ត្រផ្សេងទៀត ឬសូម្បីតែរដ្ឋមន្ត្រីអាចទទួលយកការ ទទួលខុសត្រូវរបស់អនុរដ្ឋមន្ត្រី ដែលត្រូវបានដកចេញផងដែរ ។
អគ្គលេខាធិការ PPRP លោក Thamanat Prompow ត្រូវបានបណ្តេញចេញពីតំណែងជាអនុរដ្ឋមន្រ្តីក្រសួងកសិកម្មហើយលោកស្រី Narumon Pinyosinwat ត្រូវបានដកចេញពីតំណែងជាអនុរដ្ឋមន្រ្តីក្រសួងការងារ កាលពីសប្តាហ៍មុនជុំវិញការប៉ះទង្គិច ជាមួយនាយករដ្ឋមន្រ្តី ក្នុងអំឡុងពេលនៃការជជែកដេញ ដោលគ្នានៅដើមខែនេះ ។
ការដកតំណែង នេះ បានកើតឡើងបន្ទាប់ពីមានគម្រោងចោទថា មានការចង់ផ្តួលរំលំឧត្តមសេនីយ៍ប្រាយុទ្ធ ដោយប្រមូលសំឡេងមិនទុកចិត្តប្រឆាំង នឹងគាត់នៅក្នុងការជជែកដេញ ដោលដកសេចក្តីទុកចិត្តនៅក្នុងសភា ។ លោកឧត្តមសេនីយ៍ប្រាយុទ្ធ បានមានប្រសាសន៍ថា“ មិនចាំបាច់មានអ្នកមកជំនួស នៅពេលនេះទេ អ្នកបណ្តោះអាសន្ននឹងបំពេញ” ៕
ប្រែសម្រួលៈ ណៃ តុលា
