ប៉េកាំង៖ អ្នកការទូតចិនម្នាក់ បានសម្តែងនូវការព្រួយបារម្ភ យ៉ាងខ្លាំងរបស់ចិន ចំពោះការផ្តល់ជំនួយ ដោយសហរដ្ឋអាមេរិក និងចក្រភពអង់គ្លេស ចំពោះការទិញនាវាមុជទឹក ដើរដោយថាមពលនុយក្លេអ៊ែរ របស់អូស្ត្រាលី ដោយលើកឡើងថា គឺជាទង្វើនៃការរីកសាយភាយ អាវុធនុយក្លេអ៊ែរ។
ថ្លែងទៅកាន់កិច្ចប្រជុំ ក្រុមប្រឹក្សាភិបាល នៃទីភ្នាក់ងារថាមពល អាតូមិក អន្តរជាតិ (IAEA) នៅទីនេះលោក វ៉ាង ឈុន បេសកជនចិនប្រចាំ អង្គការសហប្រជាជាតិ និងអង្គការអន្តរជាតិ ដទៃទៀតនៅទីក្រុងវីយែន បានពណ៌នាការផ្លាស់ប្តូរ ត្រីភាគីនេះថា ជាសកម្មភាពជាក់ស្តែង នៃការរីកសាយភាយ អាវុធនុយក្លេអ៊ែរ។
សហរដ្ឋអាមេរិក និងចក្រភពអង់គ្លេស ដែលជារដ្ឋមានអាវុធនុយក្លេអ៊ែរ និងជារដ្ឋភាគីនៃសន្ធិសញ្ញាស្តីពី ការមិនរីកសាយភាយ អាវុធនុយក្លេអ៊ែរ (NPT) ដែលការពារការរីកសាយអាវុធ និងបច្ចេកវិទ្យានុយក្លេអ៊ែរ ដែលជាកាតព្វកិច្ចស្នូល សម្រាប់ភាគីរដ្ឋរបស់ខ្លួន។
លោកសង្កត់ធ្ងន់ថា ជំនួយបែបនេះច្បាស់ជានឹងបង្កឱ្យមានការរីកសាយភាយនៃសម្ភារៈ និងបច្ចេកវិទ្យានុយក្លេអ៊ែរ តាមរយៈការផ្តល់ជំនួយដោយបើកចំហដល់ប្រទេសអូស្ត្រាលី ដែលជារដ្ឋគ្មានអាវុធនុយក្លេអ៊ែរ ក្នុងការទិញ និងសាងសង់នាវាមុជទឹកដើរដោយថាមពលនុយក្លេអ៊ែរ។
លោកវ៉ាង បានលើកឡើងថា“ នេះផ្ទុយពីគោលបំណងគោលបំណង និងកាតព្វកិច្ចស្នូលរបស់ NPT ចំពោះការធ្វើឱ្យខូចខាតដល់របបមិនរីកសាយភាយអាវុធនុយក្លេអ៊ែរអន្តរជាតិ ជាមួយ NPT ជាស្នូល និងកិច្ចខិតខំប្រឹងប្រែង អន្តរជាតិដែលកំពុងបន្ត នៅខាងមុខនេះ” ។
លោកបានបន្ដថា“ ខណៈពេលដែលការពារសុពលភាព នៃរបបមិនរីកសាយភាយ អាវុធនុយក្លេអ៊ែរ អន្តរជាតិ ចិនមានបំណងចង់ចុះបញ្ជីការព្រួយបារម្ភ យ៉ាងធ្ងន់ធ្ងរ របស់ខ្លួន ចំពោះការអភិវឌ្ឍន៍” ។
លោកបន្ថែមថា “ ក្នុងពេលនេះយើងជឿជាក់ថា វាជាទំនួលខុសត្រូវរបស់ IAEA ក្នុងនាមជាអង្គការអន្តរជាតិមួយ ដែលមានកាតព្វកិច្ចអនុវត្តរបបមិនរីកសាយជាតិ NPT ដើម្បីបង្ហាញពីជំហរដ៏ឧឡារិករបស់ខ្លួន ដោយបើកចំហ ចំពោះសកម្មភាពត្រីភាគី ដោយសហរដ្ឋអាមេរិក ចក្រភពអង់គ្លេស និងអូស្ត្រាលី ដែលផ្ទុយពីកាតព្វកិច្ចរបស់ពួកគេក្រោមសន្ធិសញ្ញា NPT” ។
លោកក៏បានសង្កត់ធ្ងន់ថា ទង្វើនៃការរីកសាយភាយនុយក្លេអ៊ែរបែបនេះ នឹងបង្កឱ្យមានផលប៉ះពាល់ អវិជ្ជមានយ៉ាងធ្ងន់ធ្ងរ ដល់កិច្ចខិតខំប្រឹងប្រែងអន្តរជាតិ ដែលកំពុងដំណើរការ ដើម្បីដោះស្រាយបញ្ហានុយក្លេអ៊ែរ នៅឧបទ្វីបកូរ៉េ ក៏ដូចជាបញ្ហានុយក្លេអ៊ែរអ៊ីរ៉ង់៕
ដោយ ឈូក បូរ៉ា
