ព័ត៌មានអន្តរជាតិ

ឥណ្ឌាប្រាប់ចិន៖ការដកថយ កងទ័ពព្រំដែន គឺជាប្រការ ចាំបាច់សម្រាប់ធ្វើចំណងមិត្តភាព ឲ្យប្រសើរឡើង

បរទេស៖រដ្ឋមន្ត្រីការបរទេសឥណ្ឌា បាននិយាយថា ប្រទេសឥណ្ឌា នាពេលថ្មីៗនេះ ចំណងមិត្តភាពទ្វេភាគីរបស់ប្រទេសទាំងពីរ នឹងមានការវិវត្តល្អប្រសើរឡើង ត្រឹមតែនៅពេលណាដែលប្រទេសសងខាងដកថយកងទ័ពខ្លួន ចេញពីទីប្រឈមមុខដាក់គ្នា ស្ថិតនៅតាមព្រំដែននៃជួរភ្នំហិមាល័យប៉ុណ្ណោះ។

លោក Subrahmanyam Jaishankar តាមសេចក្តីរាយការណ៍ បានបង្ហាញពីគោលជំហររបស់ប្រទេសឥណ្ឌានេះ នៅពេលដែលលោកបានជួបគ្នាជាមួយរដ្ឋមន្ត្រីការបរទេសចិន គឺលោក វ៉ាង យី នៅក្រៅកិច្ចប្រជុំក្នុងតំបន់មួយ នៅទីក្រុង Dushanbe កាលពីថ្ងៃព្រហស្បតិ៍។

លោក Subrahmanyam Jaishankar បានសរសេរសារបង្ហោះលើបណ្ដាញសង្គមធ្វីតធ័រយ៉ាងដូច្នេះថា “បានពិភាក្សាគ្នាអំពីកាត់បន្ថយនៅក្នុងតំបន់ព្រំដែនរបស់យើង និងបានគូសបង្ហាញថា ដំណើរវិវត្តទៅមុខក្នុងរឿងនេះ គឺជាប្រការដ៏សំខាន់ សម្រាប់ការស្តារសន្តិភាពនិងភាពស្ងប់ស្ងាត់ ដែលជាមូលដ្ឋានសម្រាប់អភិវឌ្ឍន៍ចំណងមិត្តភាពទ្វេភាគី”។

គួរបញ្ជាក់ថា ទាហានឥណ្ឌានិងចិនរាប់ពាន់នាក់ បានឈរជើងប្រចាំការក្នុងទីប្រឈមមុខដាក់គ្នា នៅតាមជួរភ្នំហិមាល័យភាគខាងលិច ចាប់តាំងពីឆ្នាំមុនមក ជាពេលដែលភាពជាអរិភាពដ៏ខ្លាំងក្លា ជុំវិញបញ្ហាជម្លោះព្រំដែនមានរយៈពេលជាច្រើនទសវត្ស បានផ្ទុះឡើង៕ ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top