ហាណូយ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២ ខែតុលា ឆ្នាំ២២១ថា ប្រទេសវៀតណាម បានរាយការណ៍ពីករណីឆ្លងថ្មី នៃជំងឺកូវីដ-១៩ ចំនួន៥.៤៩០នាក់ គិតត្រឹមថ្ងៃសៅរ៍នេះ ដែលក្នុងនោះមាន៥.៤៧៧នាក់ ឆ្លងក្នុងស្រុកនិងនាំចូល១៣ករណី ។
ក្រសួងសុខាភិបាលបានឲ្យដឹងថា ការឆ្លងថ្មីនេះបាននាំមកនូវចំនួនសរុប របស់ប្រទេសនេះដល់៨០៣.២០២នាក់ ជាមួយនឹងការស្លាប់ ចំនួន១៩.៦០១នាក់ ។
ករណីសហគមន៍ភាគច្រើន ត្រូវបានរកឃើញនៅតំបន់ភាគខាងត្បូង រួមមាន ២.៧២៣នាក់នៅទីក្រុងហូជីមិញ ចំនួន១.៥១៧នាក់នៅខេត្ត Binh Duong និងចំនួន៥០៩នាក់ នៅខេត្ត Dong Nai ។
រហូតមកដល់ពេលនេះ អ្នកជំងឺកូវីដ-១៩ចំនួន ៦៦៤.៩៣៨នាក់ បានជាសះស្បើយ និងកើនឡើង២៨.៨៥៧នាក់ ចាប់ពីថ្ងៃសុក្រនេះ ខណៈវ៉ាក់សាំងការពារ ជំងឺកូវីដ-១៩ ជិត៤៣.៧លានដូសត្រូវបានផ្តល់ជូនទូទាំងប្រទេស ។
ក្រសួងបានឲ្យដឹងថា គិតត្រឹមថ្ងៃសៅរ៍ វៀតណាម បានចុះបញ្ជីករណីឆ្លងជំងឺកូវីដ-១៩ ក្នុងស្រុកចំនួន៧៩៨.៦២៦នាក់ ចាប់តាំងពីការចាប់ផ្តើម នៃរលកឆ្លងកាលពីចុងខែមេសា ៕ ប្រែសម្រួលដោយ៖ ម៉ៅ បុប្ផាមករា
