តេហរ៉ង់៖ នៅថ្ងៃចន្ទ មេបញ្ជាការយោធាកំពូល របស់ប្រទេសអ៊ីរ៉ង់ លោក Hossein Baqeri ដែលបានថ្លែង ទៅកាន់ទូរទស្សន៍រដ្ឋ ថាប្រទេសរបស់លោកគឺ បានកំណត់នូវផែនការរួចទៅហើយ ក្នុងការពង្រឹង កិច្ចសហប្រតិបត្តិការយោធា កាន់តែជិតស្និទ្ធ ឡើងជាមួយនឹងប្រទេសរុស្សី។
ថ្លែងក្នុងពេល ដែលរូបលោកកំពុង មានវត្តមាន ទស្សនកិច្ចជាផ្លូវការ នៅក្នុងទីក្រុងមូស្គូ ដោយបានបន្ថែមទៀតថា រដ្ឋាភិបាលនៃប្រទេសអ៊ីរ៉ង់ នឹងបន្តយកចិត្តទុកដាក់ ព្រមទាំងផ្តល់ភាពសំខាន់បំផុត ទៅឲ្យប្រទេសនៅតំបន់ខាងកើត ដែលក្នុងនោះគឺមានរុស្សី ជាដៃគូ ដែលមិនអាចខ្វះបាន។
លោកបន្តបែបនេះទៀតថា៖ ពួកយើងអ៊ីរ៉ង់និងរុស្សី ទាំងចំណងទាក់ទង ការទូត និងកិច្ចសហប្រតិបត្តិការទ្វេភាគី គឺកំពុងទទួលបានភាពល្អប្រសើរ កាន់តែខ្លាំងឡើង ក្នុងរយៈពេលប៉ុន្មានឆ្នាំ ចុងក្រោយនេះ។
គួរឲ្យដឹងដែរថា នៅក្នុងអំឡុងពេល នៃកិច្ចប្រជុំនេះផងដែរ អ៊ីរ៉ង់និងរុស្សីត្រូវបានគេជឿជាក់ថា នឹងអាចឈានទៅដល់កិច្ចព្រមព្រៀង ទិញលក់អាវុធមួយ ដែលធ្វើឡើងនៅ ក្រោយពេលដែល ទណ្ឌកម្មហាមប្រាម ដោយយូអិន ក្នុងការទិញលក់អាវុធ របស់អ៊ីរ៉ង់ ត្រូវបានដកចេញ ទៅហើយនោះ៕
ប្រែសម្រួល៖ស៊ុនលី
