ប្រទេសចិនកំពុងស្ថិតក្នុងរដូវរំហើយ កសិករចិនគ្រប់ទីកន្លែង កំពុងជាប់រវល់ នឹងការប្រមូលផល។ ប្រជាជនចិនសម្គាល់ថា បើកសិកម្មបានអភិវឌ្ឍ ប្រកបដោយស្ថិរភាព នោះប្រទេសជាតិនឹងមានសុវត្ថិភាព។
ឆ្នាំ២០២១នេះ ប្រទេសចិនបានចាប់ផ្តើម អនុវត្តផែនការជាតិ ៥ឆ្នាំទី១៤ ភារកិច្ចសំខាន់មួយក្នុងនោះគឺ ស្តារជនបទឱ្យរីកចម្រើនដោយគ្រប់ជ្រុងជ្រោយ ក្រោមស្ថានភាព ដែលរងផលប៉ះពាល់ ពីជំងឺឆ្លងហើយការ ផលិតស្បៀងអាហារ ជាសកលពុំមានស្ថិរភាព ការធានាសុវត្ថិភាពស្បៀងអាហារ ជាកិច្ចការសំខាន់ សម្រាប់ប្រទេសចិន។
លោក Xi Jinping ប្រធានរដ្ឋចិន ធ្លាប់គូសបញ្ជាក់ជាច្រើនលើកថា សុវត្ថិភាពស្បៀងអាហារ ជាបញ្ហាមូលដ្ឋាន ដែលពាក់ព័ន្ធនឹង ការររស់រានមានជីវិតនៃមនុស្សជាតិ។ ដូចនេះហើយ សម្រាប់ប្រទេសចិនផ្ទាល់ គួរធានាជាក់លាក់ នូវសុវត្ថិភាពស្បៀងអាហារ ក្នុងស្រុក ត្រូវបន្តការពារដីស្រែឱ្យល្អ បន្តអភិវឌ្ឍបច្ចេកទេស គន្លឹះផ្នែកកសិកម្ម។ រដ្ឋាភិបាលចិន នឹងពង្រឹងនយោបាយគាំទ្រលើការផលិតស្បៀង « ដើម្បីឱ្យកសិករដាំដំណាំស្បៀង អាចទទួលផលចំណេញ។»
គ្រាប់ពូជហាក់ដូចជា “បន្ទះឈីប” នៃកសិកម្ម ។ លោក Xi Jinping ក៏ធ្លាប់សង្កត់ធ្ងន់ថា ការអភិវឌ្ឍបច្ចេកទេសកសិកម្ម ត្រូវពឹងលើខ្លួនឯង ពង្រឹងដោយម្ចាស់ការ ត្រូវចាប់ផ្តើមពីការបណ្តុះគ្រាប់ពូជល្អ ពោលគឺធានាសុវត្ថិភាពស្បៀង របស់ចិន ដោយពឹងលើគ្រាប់ពូជ របស់ចិន។
សូមបញ្ជាក់ថា បច្ចុប្បន្ននេះ ក្នុងចំណោមទំហំផ្ទៃដីដាំដំណាំស្បៀងអាហារសរុបរបស់ប្រទេសចិន គ្រាប់ពូជចិនមានអត្រាលើសពី ៩៥%៕
រូបភាពឯកសារ
1 . លោក Xi Jinping បានចុះពិនិត្យពីសភាពរីកលូតលាស់ នៃដំណាំតាមស្រែចម្ការ ក្នុងឱកាសចុះទៅត្រួតពិនិត្យ ការងារនៅភូមិ Gaoxigou ខេត្ត Shhanxi នាថ្ងៃទី១៣ខែកញ្ញា ឆ្នាំ២០២១។ វាលស្រែគ្របដណ្តប់ ដោយពណ៌បៃតង ដែលពោរពេញ ដោយក្តីសង្ឈឹម។
2. ថ្ងៃទី១៨ ខែតុលា ឆ្នាំ២០២១ កសិករភូមិChangjiang ខេត្តHunan ប្រទេសចិន កំពុងបើកម៉ាស៊ីនច្រូតស្រូវ
3. ថ្ងៃទី១៨ ខែតុលា កម្មករក្នុងកសិដ្ឋានលក្ខណៈគ្រួសារមួយនៃក្រុងLiaocheng ខេត្តShandong ប្រទេសចិនកំពុងប្រមូលសណ្តែកសៀង
4 . នេះជាដីស្រែនៅភូមិJiangzhuang ខេត្តHebei ដែលថតនៅថ្ងៃទី១៨ ខែតុលា ឆ្នាំ២០២០
5 . ថ្ងៃទី១៨ ខែតុលា ឆ្នាំ២០២១ នៅភូមិChennanខេត្តHunanប្រទេសចិន អ្នកភូមិកំពុងហាលស្រូវ
