ព័ត៌មានអន្តរជាតិ

យោធាចិន ប្រាប់ឲ្យអាមេរិក បំភ្លឺរឿងឧបទ្ទវហេតុ នាវាមុជទឹក និងឈប់ធ្វើប្រតិបត្ដិការ នាវានៅសមុទ្រចិន ខាងត្បូង

ប៉េកាំង ៖ អ្នកនាំពាក្យយោធាចិន បានជំរុញឱ្យសហរដ្ឋអាមេរិក ធ្វើការបំភ្លឺអំពីឧបទ្ទវហេតុមួយ ដែលពាក់ព័ន្ធនឹងនាវាមុជទឹក នុយក្លេអ៊ែរ របស់អាមេរិក និងបញ្ឈប់ការធ្វើប្រតិបត្តិការ ដែលគេហៅថា“ សេរីភាពនាវាចរណ៍” នៅសមុទ្រចិនខាងត្បូង ។

លោកតាន់ ខេហ្វឺ អ្នកនាំពាក្យក្រសួងការពារជាតិ បានធ្វើការកត់សម្គាល់នេះ នៅពេលឆ្លើយតបទៅនឹងការ ស៊ើបអង្កេតអំពីនាវាមុជទឹកនុយក្លេអ៊ែរអាមេរិក ដែលថ្មីៗនេះបានបុកជាមួយវត្ថុមិនស្គាល់មួយ នៅសមុទ្រចិនខាងត្បូង បណ្តាលឱ្យមានការខូចខាត និង របួសមនុស្សមួយចំនួន។

លោកតាន់ បានលើកឡើងថា“ យើងកត់សំគាល់ថា យោធាអាមេរិក បានពន្យារពេល ដោយ ចេតនា និងលាក់បាំង ព័ត៌មានលម្អិត នៃឧបទ្ទវហេតុនេះដោយបន្ថែមថា វិធីសាស្រ្តគ្មានការទទួលខុសត្រូវ និង ការសម្ងាត់បែបនេះ ធ្វើឱ្យចិន និងបណ្តាប្រទេស នៅជុំវិញសមុទ្រចិនខាងត្បូង គ្មានជម្រើសអ្វីក្រៅពីចោទសួរការពិ តនៃហេតុការណ៍និង ចេតនារបស់ភាគីអាមេរិក” ។

លោកតាន់ បានកត់សម្គាល់ថា មូលហេតុចំបង នៃឧប្បត្តិហេតុនេះ គឺដោយសារតែសហរដ្ឋអាមេរិក បានបញ្ជូននាវាផ្ទុកយន្តហោះ យន្តហោះទម្លាក់គ្រាប់ យុទ្ធសាស្ត្រ នាវាមុជទឹក នុយក្លេអ៊ែរ និងប្រព័ន្ធអាវុធទំនើបៗ ជាច្រើនចូលក្នុងដែនទឹកទាំងនេះជាយូរមកហើយ និងធ្វើឲ្យប៉ះពាល់ដល់ សន្តិភាព និងស្ថិរភាពក្នុងតំបន់។

លោកក៏បានលើកឡើងផងដែរថា ថ្មីៗនេះសហរដ្ឋអាមេរិក ចក្រភពអង់គ្លេស និងអូស្ត្រាលី បានបង្កើតភាព ជាដៃគូសន្តិសុខត្រីភាគី ដើម្បីអនុវត្តកិច្ចសហប្រតិបត្តិការ លើនាវាមុជទឹកដើរដោយ ថាមពលនុយក្លេអ៊ែរ ដោយផ្តល់ឱ្យប្រទេស ដែលគ្មានអាវុធនុយក្លេអ៊ែរ អូស្ត្រាលី អាចទទួលបាននូវសម្ភារៈ នុយក្លេអ៊ែរ ដែលអាចប្រើប្រាស់បាន អាវុធនុយក្លេអ៊ែរ បង្កហានិភ័យធំដល់ការ រីកសាយភាយអាវុធ នុយក្លេអ៊ែរ និងជាបញ្ហាប្រឈមធ្ងន់ធ្ងរ ដល់សន្តិភាព និងសន្តិសុខក្នុងតំបន់ ។

លោកបានបន្ថែមថា“ ប្រទេសចិន ទទូចឱ្យសហរដ្ឋអាមេរិក យកចិត្តទុកដាក់យ៉ាងខ្លាំង ចំពោះគ្រប់ភាគីទាំងអស់ ប្រកាន់យកអាកប្បកិរិយាទទួលខុសត្រូវ និងផ្តល់ព័ត៌មាន លម្អិតអំពីឧបទ្ទវហេតុនេះ ឱ្យបានឆាប់តាម ដែលអាចធ្វើទៅបាន៕
ដោយ ឈូក បូរ៉ា

To Top
×