តេអេរ៉ង់៖ រដ្ឋាភិបាលអ៊ីរ៉ង់ បាន ថ្កោលទោសយ៉ាងខ្លាំង ចំពោះ ទណ្ឌកម្ម ចុងក្រោយ របស់ អាមេរិក ប្រឆាំង នឹង អង្គភាព របស់ខ្លួន ថា ជា “អាកប្បកិរិយា ផ្ទុយ ទាំងស្រុង ” នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
អ្នកនាំពាក្យក្រសួងការបរទេសអ៊ីរ៉ង់ លោក Saeed Khatibzadeh បានឲ្យដឹងនៅក្នុងសុន្ទរកថា ចេញផ្សាយនៅលើទំព័រហ្វេសប៊ុកថា “រដ្ឋាភិបាល ដែលនិយាយអំពីចេតនា វិលត្រឡប់ទៅរកកិច្ចព្រមព្រៀងនុយក្លេអ៊ែរ ប៉ុន្តែនៅតែបន្ត (អតីតប្រធានាធិបតីសហរដ្ឋអាមេរិក ដូណាល់ ត្រាំ) គោលនយោបាយដាក់ទណ្ឌកម្មរបស់ ត្រាំ កំពុងផ្ញើសារថា វាពិតជាមិនគួរឱ្យទុកចិត្តឡើយ” ។
លោកបានបន្ថែមថា រដ្ឋបាលសហរដ្ឋអាមេរិកជាបន្តបន្ទាប់បានបង្ហាញពី “អសមត្ថភាព” របស់ពួកគេក្នុងការស្វែងយល់ពីការពិតរបស់រដ្ឋាភិបាលអ៊ីរ៉ង់។
អ្នកនាំពាក្យរូបនេះបានកត់សម្គាល់ថា សម្ពាធរបស់សហរដ្ឋអាមេរិក នឹងមិនធ្វើឱ្យ “ខូចខាតតិចតួចបំផុត” លើការប្តេជ្ញាចិត្តរបស់រដ្ឋាភិបាលអ៊ីរ៉ង់ ដើម្បីការពារសន្តិសុខ និងភាពស្ងប់ស្ងាត់របស់ប្រជាជនអ៊ីរ៉ង់នោះទេ។
នៅព្រឹកថ្ងៃដដែល សហរដ្ឋអាមេរិកបានដាក់ទណ្ឌកម្មប្រឆាំងនឹងក្រុមហ៊ុន និងបុគ្គល ដែលទាក់ទងនឹងកម្មវិធីយានជំនិះគ្មានមនុស្សបើក (UAV) របស់ប្រទេសអ៊ីរ៉ង់។
អនុរដ្ឋមន្ត្រីក្រសួងរតនាគារអាមេរិកលោក Wally Adeyemo បានលើកឡើងថា “ការរីកសាយភាយនៃ UAVs របស់អ៊ីរ៉ង់ នៅទូទាំងតំបន់ គំរាមកំហែងដល់សន្តិភាព និងស្ថិរភាពអន្តរជាតិ។ អ៊ីរ៉ង់ និងក្រុមសកម្មប្រយុទ្ធប្រូកស៊ី បានប្រើប្រាស់ UAVs ដើម្បីវាយប្រហារកងកម្លាំងសហរដ្ឋអាមេរិក ដៃគូរបស់យើង និងការដឹកជញ្ជូនអន្តរជាតិ” ។
ការហាមឃាត់ថ្មីប្រឆាំងនឹងអ៊ីរ៉ង់ បានកើតឡើងបន្ទាប់ពីអ្នកចរចានុយក្លេអ៊ែរអ៊ីរ៉ង់លោក Ali Bagheri Kani បានឲ្យដឹងកាលពីថ្ងៃពុធថាទីក្រុងតេអេរ៉ង់ បានយល់ព្រមបន្តការចរចា ដែលផ្អាកជាយូរមកហើយក្នុងគោលបំណងការរស់ឡើងវិញនៃកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ដែលត្រូវបានគេស្គាល់ជាផ្លូវការថាជាផែនការសកម្មភាពទូលំទូលាយរួម (JCPOA) ។ នៅចុងខែវិច្ឆិកា។
រដ្ឋបាលអតីតប្រធានាធិបតីលោក ដូណាល់ ត្រាំ បានដកទីក្រុងវ៉ាស៊ីនតោនចេញពី JCPOA ក្នុងឆ្នាំ២០១៨ ហើយបានដាក់ទណ្ឌកម្មចាស់ និងថ្មីលើអ៊ីរ៉ង់ ទោះបីជាការពិតដែលថាទីក្រុងតេអេរ៉ង់បាននឹងកំពុងអនុវត្តតាមកិច្ចព្រមព្រៀងអន្តរជាតិក៏ដោយ៕
ដោយ ឈូក បូរ៉ា
