សមាជិកសភា មកពីគណបក្សសាធារណរដ្ឋ ៤៥នាក់ ផ្ទុះកំហឹង លើរដ្ឋបាលលោក បៃដិន ដែលគ្រោងនឹងផ្តល់សំណង ដល់ជនភៀសខ្លួនខុសច្បាប់

បរទេស៖ របាយការណ៍មុននេះ បានអះអាងថារដ្ឋបាលរបស់ លោក ចូ បៃដិន គ្រោងនឹងបង់ប្រាក់ចំនួន ៤៥០ ០០០ ដុល្លារ ដល់ជនអន្តោប្រវេសន៍ខុសច្បាប់ ដែលបានអះអាងថា ជាការរក្សា “របួសផ្លូវចិត្ត” ដែលជាលទ្ធផល នៃការបំបែកគ្រួសាររបស់ពួកគេ នៅព្រំដែនសហរដ្ឋអាមេរិក។ ការទូទាត់បុគ្គលអាចត្រូវបាន គេរាយការណ៍ថា អាចលើសពី ១លានដុល្លារ។

យោងតាមសារព័ត៌មាន Sputnik ចេញផ្សាយនៅថ្ងៃទី៣០ ខែតុលា ឆ្នាំ២០២១ បានឱ្យដឹងថា ប្រព័ន្ធផ្សព្វផ្សាយអាមេរិក​ បានរាយការណ៍កាលពីថ្ងៃសុក្រថា សមាជិកសភាមកពី គណបក្សសាធារណរដ្ឋ បានសរសេរសំបុត្រមួយច្បាប់ ទៅកាន់លេខាធិការ ចំនួន៣ នៃការិយាល័យប្រធានាធិបតី ចូ បៃដិន ដើម្បីបង្ហាញពី “ក្តីបារម្ភយ៉ាងខ្លាំង” របស់ពួកគេទាក់ទង នឹងការផ្តល់សំណង ដែលអាចកើតមានដល់គ្រួសារ ជនចំណាកស្រុក ដែលបំបែកនៅព្រំដែន។

ក្នុងចំណោមអ្នកតំណាង មកគណបក្សសាធារណរដ្ឋចំនួន ៤៥រូប ដែលបានចុះហត្ថលេខា លើលិខិតនោះ រួមមានលោក Greg Murphy, លោក Steve Scalise, លោកស្រី Elise Stefanik និង លោក Dan Crenshaw ។

យោងតាមលិខិតដែលទទួលបាន ដោយសារព័ត៌មាន Fox News ផ្ញើទៅកាន់លេខាធិការដ្ឋាន ផ្នែកសន្តិសុខមាតុភូមិ លោក Alejandro Mayorkas, លេខាធិការផ្នែកសុខភាព និងសេវាមនុស្ស លោក Xavier Becerra និងអគ្គមេធាវី Merrick Garland ការយកចិត្តទុកដាក់គួរតែត្រូវបាន យកចិត្តទុកដាក់ចំពោះការពិតដែលថា ជនចំណាកស្រុកឆ្លងកាត់ព្រំដែន សហរដ្ឋអាមេរិក ដោយខុសច្បាប់៕ ប្រែសម្រួលៈ ណៃ តុលា