វ៉ាស៊ីនតោន ៖ នាយកមជ្ឈមណ្ឌលគ្រប់គ្រង និងការពារជំងឺ (CDC) លោក Rochelle Walensky បានលើកឡើងថា ជាមធ្យមរយៈពេល ៧ថ្ងៃនៃការឆ្លងជំងឺកូវីដ-១៩ នៅក្នុងសហរដ្ឋអាមេរិក បានកើនឡើង ១៨ភាគរយ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
លោក Walensky បានឲ្យដឹងនៅក្នុងសន្និសីទសារព័ត៌មានមួយ នៅសេតវិមានថា ជាមធ្យមរយៈពេលប្រាំពីរថ្ងៃចុង ក្រោយបំផុតនៃករណីគឺ ៩២៨០0ករណីក្នុងមួយថ្ងៃ ការកើនឡើង ១៨ ភាគរយពីសប្តាហ៍មុន ហើយអត្រាចូលមន្ទីរពេទ្យបានកើនឡើង ៦ភាគរយ ជាមួយនឹងជាមធ្យមប្រចាំថ្ងៃចំនួន ៥៦០០ករណី។
លោក Walensky បានលើកឡើងថា “ការឈានចូលដល់រដូវរងា នៅពេលដែលមេរោគផ្លូវដង្ហើម ទំនងជារីករាលដាល ហើយជាមួយនឹងផែនការ សម្រាប់ការកើនឡើង នៃការធ្វើដំណើរ និងការជួបជុំនារដូវវិស្សមកាល ការជំរុញការការពារជារួម របស់មនុស្សប្រឆាំង នឹងជំងឺកូវីដ-១៩ និងការស្លាប់គឺជារឿងសំខាន់ដែលត្រូវធ្វើឥឡូវនេះ” ។
លោក Walensky បានបន្ដថា អ្នកដែលមិនបានទទួលថ្នាំបង្ការ បន្តជំរុញឱ្យមានការ រាតត្បាតរាតត្បាត ។ យោងតាមព័ត៌មាន ចុងក្រោយបំផុត នៅលើកម្មវិធីតាមដាន ទិន្នន័យ CDC អ្នកដែលមិនបានទទួលថ្នាំបង្ការគឺ ៦ដងច្រើនជាង ការធ្វើតេស្តវិជ្ជមានសម្រាប់វីរុស ៩ដងទំនងជាត្រូវ សម្រាកនៅមន្ទីរពេទ្យនិង ១៤ដងទំនងជាស្លាប់ ។
លោក Walensky បានបន្ថែមថា មនុស្សពេញវ័យជនជាតិអាមេរិក ដែលមានសិទ្ធិប្រហែល ៤៧លាននាក់ និងក្មេងជំទង់ដែលមានសិទ្ធិ ១២ លាននាក់នៅតែមិនបានទទួលថ្នាំបង្ការ ។
យោងតាមទិន្នន័យរបស់ CDC គិតត្រឹមព្រឹកថ្ងៃចន្ទ ជនជាតិអាមេរិកចំនួន ១៩៦,៤លាននាក់ ត្រូវបានចាក់វ៉ាក់សាំង ពេញលេញ ហើយ ៣៦,១លាននាក់បានទទួល កម្រិតថ្នាំដូសជំរុញ ៕ដោយ ឈូក បូរ៉ា
