បរទេស ៖ កាលពីថ្ងៃព្រហស្បតិ៍ម្សិលមិញនេះរដ្ឋមន្ត្រីក្រសួងសុខាភិបាល នៃប្រទេសតួកគីលោក Fahrettin Koca បានប្រកាសថា ប្រទេសតួកគី នឹងអនុញ្ញាតិឲ្យមានការប្រើប្រាស់ ក្នុងលក្ខខណ្ឌ ជាបន្ទាន់ សម្រាប់វ៉ាក់សាំង ផលិតក្នុងស្រុក Turkovac ដោយសង្ឃឹមថា នឹងអាចចាប់ផ្តើមអាចឲ្យ ប្រើប្រាស់បាននៅចុងឆ្នាំនេះ ។
ថ្លែងនៅក្នុងកិច្ចប្រជុំពិភាក្សាមួយ អំពីផែនការថវិកាជាតិ នៅរដ្ឋសភាជាតិ លោក Koca បានបន្ថែមទៀតថា Turkovac គឺស្ថិតទៅដល់ការបញ្ចប់ទៅ នៃដំណើរការធ្វើតេស្ត រួចរាល់ហើយ ហើយជឿជាក់ថា ការធ្វើតេស្តដំណាក់កាលទី៣ នឹងបន្តធ្វើឡើងនៅក្រៅប្រទេសតួកគី។
គួរឲ្យដឹងដែរថា ប្រទេសតួកគីបានចាប់ផ្តើមកិច្ចការងារ អភិវឌ្ឍ ទៅលើវ៉ាក់សាំង Turkovac នេះកាលពីដើមឆ្នាំ ប៉ុន្តែជាបន្តបន្ទាប់ការប្រកាស ឲ្យអាចប្រើប្រាស់ជាផ្លូវការ គឺតែងតែត្រូវបានពន្យាពេលរហូតមក ដោយសារបញ្ហារាតត្បាតខ្លាំង ដោយកូវីដផង។
មកដល់ពេលនេះតួកគី បានអនុញ្ញាតិនិងបានប្រើប្រាស់វ៉ាក់សាំង បរទេសប្រមាណ ជា១២០លានដូស រួចមកហើយក្នុងភាគច្រើន ជាផលិតរបស់ចិន Sinovac និង Pfizer របស់អាមេរិក ប្រមាណជា៥០លានដូស ៕
ប្រែសម្រួល៖ស៊ុនលី
