បរទេស៖រដ្ឋមន្ត្រីការពារជាតិអ៊ុយក្រែន បាននិយាយនៅថ្ងៃអង្គារនេះថា ការប្រមូលផ្តុំកងកម្លាំងរបស់រុស្ស៊ី នៅជិតព្រំដែននៃប្រទេសអ៊ុយក្រែន ទំនងជាមានបំណងធ្វើការពង្រឹងគោលជំហរតថ្លៃរបស់ខ្លួន នៅក្នុងជំនួបអនាគតរវាងប្រធានាធិបតីអាមេរិក លោក ចូ បៃដិន និងប្រធានាធិបតីរុស្ស៊ី លោក វ្លាឌីមៀរ ពូទីន។
នៅក្នុងសេចក្តីថ្លែងការណ៍មួយ ដែលចេញផ្សាយនៅលើគេហទំព័ររបស់ក្រសួងសេដ្ឋកិច្ច លោក Oleksiy Reznikov បានមានប្រសាសន៍ថា ចំណងមិត្តភាពរវាងប្រទេសអ៊ុយក្រែន និងប្រទេសរុស្ស៊ី គឺមានភាពតានតឹងខ្លាំងឡើង នៅក្នុងអំឡុងការប្រមូលផ្តុំកងទ័ពរបស់រុស្ស៊ី នៅក្នុងដើមឆ្នាំនេះ។
លោក Oleksiy Reznikov បានមានប្រសាសន៍បន្តទៀតយ៉ាងដូច្នេះថា “ព្រឹត្តិការណ៍នៅថ្ងៃនេះ គឺទំនងជាពាក់ព័ន្ធជាមួយនឹងជំនួបនាពេលអនាគតរបស់ប្រធានាធិបតីអាមេរិក លោក ចូ បៃដិន និងសមភាគីរបស់លោក គឺលោក វ្លាឌីមៀរ ពូទីន ដូច្នេះហើយភាគីចុងក្រោយ កំពុងតែព្យាយាមពង្រឹងគោលជំហរចរចារបស់ខ្លួន”។
គួរបញ្ជាក់ថា នៅថ្ងៃអង្គារនេះ សហរដ្ឋអាមេរិកនិងប្រទេសអង់គ្លេស បានព្រមានប្រទេសរុស្ស៊ីជុំវិញការឈ្លានពានដោយយោធាថ្មីណាមួយ ទៅលើប្រទេសអ៊ុយក្រែន ស្របពេលដែលសម្ពន្ធមិត្តយោធាលោកខាងលិច គឺអង្គការណាតូ បានជួបពិភាក្សាគ្នាអំពីបំណងរបស់ទីក្រុងមូស្គូ សម្រាប់ការប្រមូលផ្តុំកងទ័ពនៅតាមព្រំដែនជាប់អ៊ុយក្រែន៕ប្រែសម្រួល៖ប៉ាង កុង
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
