យូអិន ៖ អគ្គលេខាធិការ អង្គការ សហប្រជាជាតិ លោក Antonio Guterres បានបញ្ជាក់ថា “ផ្លូវតែមួយគត់ចេញ ពីជំងឺរាតត្បាតសកល និងចេញពីស្ថានភាព អយុត្តិធម៌ និង អសីលធម៌នេះ គឺតាមរយៈយុទ្ធនាការចាក់វ៉ាក់សាំង ជាសកល” ។
អគ្គលេខាធិការ កំពុងនិយាយនៅក្នុងកិច្ចប្រជុំមួយ នៅទីស្នាក់ការអង្គការ សហប្រជាជាតិ នៅទីក្រុងញូវយ៉ក នៃ រដ្ឋមន្ត្រីការបរទេស នៃក្រុមប្រទេសទាំង៧៧ (G77) និងប្រទេសចិន ជាកន្លែង ដែលលោកបានកត់សម្គាល់ថា ជំងឺរាតត្បាតកូវីដ-១៩ “បន្តធ្វើឱ្យមានការបំផ្លិចបំផ្លាញ” ដល់ប្រទេសអភិវឌ្ឍន៍ និងកំពុងអភិវឌ្ឍន៍ដូចគ្នា ។
លោកបានលើកឡើងថា អង្គការសហប្រជាជាតិ ឈរនៅពីក្រោយយុទ្ធសាស្ត្រ ចាក់ថ្នាំបង្ការ ដែលកំណត់ដោយអង្គការ សុខភាពពិភពលោក ជាមួយនឹងគោលដៅ នៃការចាក់វ៉ាក់សាំង ចូលទៅក្នុងដៃរបស់មនុស្ស ៤០ភាគរយ នៅគ្រប់ប្រទេស នៅចុងឆ្នាំនេះ និង ៧០ភាគរយ នៅពាក់កណ្តាល ឆ្នាំ២០២២ ។
មន្ត្រីជាន់ខ្ពស់របស់អង្គការ សហប្រជាជាតិ បានឲ្យដឹងថា “អ្នកគ្រប់គ្នា គ្រប់ទីកន្លែង ត្រូវតែមានសិទ្ធិចូលប្រើវ៉ាក់សាំង ការធ្វើតេស្ត និងការព្យាបាលជំងឺកូ វីដ-១៩” ដោយស្នើសុំការគាំទ្រសម្រាប់ ACT-accelerator និងឧបករណ៍ COVAX ។
លោក Guterres បានលើកឡើងទៀតថា សេដ្ឋកិច្ចពិភពលោកត្រូវបានគេរំពឹងថា នឹងកើនឡើង ៥,៩ភាគរយនៅឆ្នាំនេះ ប៉ុន្តែល្បឿននៃការងើបឡើងវិញ គឺមិនស្មើគ្នាខ្លាំង ។
នៅពេលដែលសេដ្ឋកិច្ច អភិវឌ្ឍន៍វិនិយោគ ២៨ ភាគរយ នៃផលិតផលក្នុងស្រុក សរុបរបស់ពួកគេក្នុងការ ងើបឡើងវិញ ប្រទេសដែលមានប្រាក់ចំណូល មធ្យមវិនិយោគ ៦ភាគរយ ហើយប្រទេសអភិវឌ្ឍន៍តិចតួចវិនិយោគត្រឹមតែ ១,៨ ភាគរយ នេះហាក់ ដូចជាមិនគួរឱ្យភ្ញាក់ផ្អើល សម្រាប់គាត់ទេ។
ជាឧទាហរណ៍ នៅអនុតំបន់ សាហារ៉ាអាហ្រ្វិក មូលនិធិរូបិយវត្ថុអន្តរជាតិ (IMF) គម្រោង ដែលកំណើនសេដ្ឋកិច្ចកើនឡើង ក្នុងមនុស្សម្នាក់ក្នុងរយៈពេល ៥ឆ្នាំខាងមុខនឹងមាន ៧៥ភាគរយតិច ជាងប្រទេសដទៃទៀត នៃពិភពលោក ៕
ដោយ ឈូក បូរ៉ា
