តេអេរ៉ង់៖ ទីភ្នាក់ងារព័ត៌មានផ្លូវការ IRNA បានរាយការណ៍ថា អ្នកចរចានុយក្លេអ៊ែរ កំពូលរបស់អ៊ីរ៉ង់លោក Ali Bagheri Kani បានលើកឡើងថា ទីក្រុងវ៉ាស៊ីនតោន គួរតែចាត់វិធានការដំបូង ក្នុងការរស់ឡើងវិញនៃ កិច្ចព្រមព្រៀងនុយក្លេអ៊ែរឆ្នាំ២០១៥ ចាប់តាំងពីខ្លួនបានដើរចេញ ពីកិច្ចព្រមព្រៀងនេះ។
លោក Bagheri Kani បានលើកឡើងថា សាធារណរដ្ឋឥស្លាមអ៊ីរ៉ង់ នឹងមិនគាំទ្រចំពោះការ ទាមទាររបស់ខ្លួន សម្រាប់ការដកទណ្ឌកម្ម នៅក្នុងដំណើរការនៃការស្តារឡើងវិញ នូវកិច្ចព្រមព្រៀងនុយក្លេអ៊ែរ ដែលត្រូវបានគេស្គាល់ជាផ្លូវការថា ជាផែនការសកម្មភាពទូលំទូលាយរួម (JCPOA)។
លោកបានសង្កត់ធ្ងន់ថា សំណើដែលធ្វើឡើង ដោយអ៊ីរ៉ង់ចំពោះក្រុម P4+1 រួមមាន អង់គ្លេស ចិន បារាំង រុស្ស៊ី បូកនឹងអាឡឺម៉ង់ ក្នុងការចរចានៅទីក្រុងវីយែន នាពេលថ្មីៗនេះ គឺ “ឯកសារ និងសមហេតុសមផល” ដូច្នេះហើយអាចជាមូលដ្ឋាន សម្រាប់ការចរចា។
លោកបានបន្ដថា អ៊ីរ៉ង់ជឿជាក់លើការចរចា ហើយមានសុទិដ្ឋិនិយមអំពី លទ្ធផលដែលអាចកើតមាន ដោយលោកបានបន្ថែមថា ទោះបីជាយ៉ាងណាក៏ដោយ “អាកប្បកិរិយាមិនស្ថាបនា ដោយប្រទេសហត្ថលេខីមួយចំនួន កាលពីអតីតកាល និងការរំលោភលើការសន្យា របស់ពួកគេម្តងហើយម្តងទៀត” ធ្វើឱ្យប្រជាជនអ៊ីរ៉ង់ មានការប្រុងប្រយ័ត្នបន្ថែមទៀត នៅក្នុងសកម្មភាពរបស់ពួកគេ។
បន្ទាប់ពីផ្អាករយៈពេល ៦ខែក្នុងកិច្ចចរចា អ៊ីរ៉ង់ និងភាគីដែលនៅសេសសល់ នៃកិច្ចព្រមព្រៀងនេះ ដោយមានការចូលរួមដោយ ប្រយោលពីសហរដ្ឋអាមេរិក បានបន្តការពិភាក្សា របស់ពួកគេឡើងវិញ ដើម្បីស្ដារកិច្ចព្រមព្រៀង ឡើងវិញនៅថ្ងៃទី២៩ ខែវិច្ឆិកា។
កាលពីថ្ងៃសុក្រ អ្នកការទូតមកពីភាគីអឺរ៉ុប នៃការចរចាបានត្រឡប់ទៅរដ្ឋធានី របស់ពួកគេវិញសម្រាប់ ការពិគ្រោះយោបល់លើ សំណើចំនួនពីរដែលដាក់ចេញដោយអ៊ីរ៉ង់ ដែលតាមសេចក្តីរាយការណ៍ បានទទូចលើអាទិភាព នៃការដកទណ្ឌកម្មទាំងអស់ ដែលត្រូវបានដាក់ប្រឆាំងនឹង ទីក្រុងតេអេរ៉ង់ ដោយអតីតរដ្ឋបាលនៅសេតវិមាន បន្ទាប់ពីក្រុងវ៉ាស៊ីនតោន បានដកខ្លួនចេញពីកិច្ចព្រមព្រៀង ក្នុងឆ្នាំ២០១៨ ៕
ដោយ ឈូក បូរ៉ា
