តូក្យូ៖ ប្រភពជិតស្និទ្ធនឹងបញ្ហានេះបាននិយាយថា ប្រទេសជប៉ុន សហរដ្ឋអាមេរិក និងអូស្ត្រាលីនឹងផ្តល់មូលនិធិរួមគ្នាក្នុងការអភិវឌ្ឍន៍បណ្តាញទូរគមនាគមន៍ 5G កម្រិតខ្ពស់នៅប៉ាស៊ីហ្វិកខាងត្បូងនៃកិច្ចខិតខំប្រឹងប្រែង ដើម្បីការពារប្រឆាំងនឹងប្រទេសចិនដែលដណ្តើមបានការគ្រប់គ្រង ហេដ្ឋារចនាសម្ព័ន្ធសំខាន់ៗ ក្នុងតំបន់យោងតាមការចេញផ្សាយពីគេហទំព័រជប៉ុនធូដេ។
ការសម្រេចចិត្តនេះបានកើតឡើងមួយថ្ងៃ បន្ទាប់ពីប្រទេសទាំង៣បាននិយាយថា ពួកគេនឹងជួយនៃការសាងសង់ខ្សែ កាបក្រោមសមុទ្រថ្មីមួយដើម្បីកែលម្អការតភ្ជាប់អ៊ីនធើណេតទៅកាន់ប្រទេស កោះប៉ាស៊ីហ្វិកនៃមីក្រូនេស៊ី ណាអ៊ូរុ និងគីរីបាទី។ កិច្ចសហប្រតិបត្តិការត្រីភាគីលើការអភិវឌ្ឍន៍បណ្តាញ 5G នឹងត្រូវបានសម្រេចតាមរយៈប្រតិបត្តិការប៉ាស៊ីហ្វិករបស់ក្រុមហ៊ុន Digicel Group ជាបណ្តាញទូរស័ព្ទចល័តអន្តរជាតិ និងអ្នកផ្តល់សេវាកម្សាន្តតាមផ្ទះដែលមានទីស្នាក់ការកណ្តាលនៅ ប្រទេសហ្សាម៉ាអ៊ីក។
ក្រុមហ៊ុនទូរគមនាគមន៍ដ៏ធំបំផុតរបស់ប្រទេសអូស្ត្រាលី Telstra Corp បានប្រកាសកាលពីខែតុលាថា ខ្លួននឹងទិញយកប្រតិបត្តិការនៅប៉ាស៊ីហ្វិករបស់ Digicel បន្ទាប់ពីមានការពិភាក្សាថាក្រុមហ៊ុនចិនមួយកំពុងស្វែងរកទិញវា។ ភាគច្រើននៃការលក់ ១,៦ពាន់លានដុល្លារ នឹងត្រូវបានផ្តល់មូលនិធិដោយរដ្ឋាភិបាលអូស្ត្រាលី ដោយមានប្រទេសជប៉ុន និងសហរដ្ឋអាមេរិករួម ចំណែកដល់ប្រតិបត្តិការអាជីវកម្មតាមរយៈភាពជាដៃគូសាធារណៈ និងឯកជន។
Digicel គឺជាអ្នកផ្តល់សេវាទូរស័ព្ទនៅប្រទេសកោះមួយចំនួន រួមមាន Papua New Guinea, Samoa និង Fiji ប៉ុន្តែមានការយឺតយ៉ាវក្នុងការធ្វើឲ្យប្រសើរឡើងនូវបណ្តាញទំនាក់ទំនងរបស់ខ្លួន។ ក្រុមហ៊ុនជប៉ុនដែលអាចផ្តល់នូវអត្ថប្រយោជន៍នៃ “Open RAN” ជាស្តង់ដារឧស្សាហកម្មទាំងមូលដែលធ្វើឲ្យមានអន្តរប្រតិបត្តិការរវាងអ្នកលក់ផ្សេងៗគ្នាសម្រាប់បណ្តាញឥតខ្សែកោសិកា នឹងផ្តល់ឧបករណ៍កម្រិតខ្ពស់សម្រាប់ 5G ៕
ដោយ៖លី ភីលីព
