លោក ប្រាយុទ្ធ ចាន់អូចា គ្មានផ្លូវ សម្រាប់ការបោះឆ្នោត នៅឆ្នាំក្រោយ

បាងកក៖ អ្នកនយោបាយថៃកំពុងត្រៀមខ្លួន សម្រាប់ការបោះឆ្នោតសកល ដែលអាចធ្វើទៅបាននៅឆ្នាំក្រោយ បើទោះបីជានាយករដ្ឋមន្ត្រីលោក ប្រាយុទ្ធ ចាន់អូចា ទទូចរដ្ឋាភិបាលចម្រុះដែលគាំទ្រដោយយោធារបស់លោក នឹងបញ្ចប់អាណត្តិ ៤ឆ្នាំនៅឆ្នាំ២០២៣ ក៏ដោយ។

សូចនាករសំខាន់ៗរួមមានការប្រេះឆានៅក្នុងបក្ស Palang Pracharath ដែលកំពុងកាន់អំណាច ក៏ដូចជាការធ្វើវិសោធនកម្មរដ្ឋធម្មនុញ្ញ ដែលណែនាំការផ្លាស់ប្តូរការបោះឆ្នោត ដែលអនុគ្រោះដល់គណបក្សធំៗរបស់ប្រទេសថៃ។

កាល ពី ខែ កញ្ញា លោក ប្រាយុទ្ធ បាន បណ្ដេញ រដ្ឋមន្ត្រី ពីរ រូប ភ្លាមៗ បន្ទាប់ ពី បញ្ចប់ការ ជជែក ដេញដោល ក្នុង សភា ប្រឆាំង នឹង រូប លោក និង សមាជិក គណៈរដ្ឋមន្ត្រី មួយ ចំនួន នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។

ប្រភព នយោបាយ បាន ឲ្យដឹងថា នាយក រដ្ឋមន្ត្រី បាន រក ឃើញ ថា រដ្ឋមន្ត្រី ទាំង ពីរ បាន ឃុបឃិត គ្នា បណ្ដេញ លោក តែ ម្នាក់ ឯង ក្នុង ការ ជជែក ដេញដោល គ្មាន ទំនុក ចិត្ត។ ទោះបីជាមានការផ្សះផ្សាក្នុងបក្សមួយកម្រិតក៏ដោយ ក៏ជម្លោះនៅតែមាន។

លោក Trakoon Meechai សាស្ត្រាចារ្យរងនៃមហាវិទ្យាល័យវិទ្យាសាស្ត្រនយោបាយនៃសាកលវិទ្យាល័យ Chulalongkorn បានប្រាប់ក្យូដូ ឲ្យដឹងថា ឱកាសរបស់រដ្ឋាភិបាលបញ្ចប់អាណត្តិរយៈពេល ៤ ឆ្នាំគឺតិចតួច ប្រសិនបើលោក ប្រាយុទ្ធ មិនអាចទប់ទល់នឹងសម្ពាធនយោបាយ ដោយស្ថានភាពកាន់តែធ្ងន់ធ្ងរឡើងដោយសារផលប៉ះពាល់សេដ្ឋកិច្ចនៃកូវីដ-១៩ ។

លោកបានលើកឡើងថា “ប្រសិនបើប្រទេសប្រឈមមុខនឹងការងើបឡើងវិញយ៉ាងធ្ងន់ធ្ងរនៃជំងឺកូវីដ-១៩ នាយករដ្ឋមន្ត្រីប្រហែលជាមិនអាចកាន់អំណាចបានទេ។ លោកអាចប្រឈមមុខនឹងការជំនួស ឬសម្រេចចិត្តរំលាយសភាជាន់ទាប”៕

ដោយ ឈូក បូរ៉ា