បរទេស៖ មេបញ្ជាការកងទ័ពជើងទឹកប្រទេសថៃ លោក Somprasong Nilsamai នឹងទម្លាក់ចោលសំណើសុំ មូលនិធិដើម្បីទិញនាវាមុជទឹក Yuan-class S26T ចំនួនពីរបន្ថែមទៀត នៅក្រោមថវិកាសារពើពន្ធឆ្នាំ ២០២៣ ដោយសារតែផលប៉ះពាល់ សេដ្ឋកិច្ចនៃ Covid-19 ។
យោងតាមសារព័ត៌មាន Bangkok Post ចេញផ្សាយនៅថ្ងៃទី៧ ខែមករា ឆ្នាំ២០២២ បានឱ្យដឹងថា ការទម្លាក់ចោលនេះ វានឹងក្លាយជាលើកទីមួយហើយ ដែលកងទ័ពជើងទឹកបានបដិសេធ មិនសុំថវិកាសម្រាប់គម្រោង ទិញនាវាមុជទឹករបស់ខ្លួន។
កន្លងមក សំណើត្រូវបង្ខំចិត្តដកខ្លួន ក្រោយពីមានការប្រឆាំងជំទាស់។ ប្រភពកងទ័ពជើងទឹក បាននិយាយថា កាលពីអតីតកាល លទ្ធកម្មត្រូវបានផ្អាក ដោយសារតែសំណើសុំមូលនិធិ ត្រូវបានច្រានចោលដោយសភា ឬនាយករដ្ឋមន្ត្រី។
ប្រភពកងទ័ពជើងទឹកបាននិយាយថា ជាមួយនឹងវីរុសបំលែងថ្មី Omicron ដែលកំពុងលេចចេញនៃ មេរោគឆ្លងរីករាលដាល យ៉ាងឆាប់រហ័សនោះ គឺ ឧត្តមនាវីឯក Somprasong ជឿជាក់ថា គ្មាននរណាម្នាក់នឹងយល់ព្រម ជាមួយកងទ័ពជើងទឹក បន្តទិញនាវាមុជទឹកនាពេលនេះ នោះទេ ៕
ប្រែសម្រួលៈ ណៃ តុលា
