ប៉េកាំង ៖ អ្នកនាំពាក្យក្រសួង ការបរទេសចិន បានឲ្យដឹងថា ប្រទេសចិនសង្ឃឹមថា សហរដ្ឋអាមេរិក នឹងឈប់ប្រើប្រាស់ លទ្ធិប្រជាធិបតេយ្យ ជាឧបករណ៍ នៃឧបាយកលនយោបាយ របស់ខ្លួន នេះបើយោងតាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ ។
អ្នកនាំពាក្យចិនលោក Wang Wenbin បានធ្វើការ កត់សម្គាល់នៅក្នុងសន្និសីទ សារព័ត៌មានប្រចាំថ្ងៃ នៅពេលដែលត្រូវ បានស្នើសុំឱ្យធ្វើអត្ថាធិប្បាយ លើសុន្ទរកថារបស់មេដឹកនាំសហរដ្ឋអាមេរិក ដើម្បីប្រារព្ធខួបមួយឆ្នាំ ចាប់តាំងពីកុបកម្មកាពីតូល ។
លោក Wang បានលើកឡើងថា លទ្ធិប្រជាធិបតេយ្យ គឺ ជាតម្លៃរួមរបស់មនុស្សជាតិ ដែលនឹងមិនធ្លាក់ ចុះនោះទេ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ ។
ម៉្យាងវិញទៀត ការដាក់គំរូលទ្ធិប្រជាធិបតេយ្យ ផ្ទាល់ខ្លួនទៅលើអ្នកដ៏ទៃ និងបង្កការបែកបាក់ និង ការប្រឈមមុខគ្នា – ទង្វើក្លែងក្លាយ និងប្រឆាំងលទ្ធិ ប្រជាធិបតេយ្យ ទាំងនេះ ដែលប្រឆាំងទៅនឹងស្មារតី ប្រជាធិបតេយ្យពិត មានថ្ងៃកំណត់ ហើយនឹងត្រូវបានបដិសេធ ដោយសហគមន៍អន្តរជាតិ ។
លោក Wang បានបន្ដថា វាត្រូវបានគេសង្ឃឹមថា សហរដ្ឋអាមេរិក អាចទាញមេរៀនពីអតីតកាល និងជៀសវាង ការនិយាយឡើងវិញនូវ “ចលនាទីក្រុងកាប៊ុល ” និង “កិច្ចប្រជុំកំពូល ដើម្បីលទ្ធិប្រជាធិបតេយ្យ” ។ ខ្លួនគួរតែឈប់ប្រើប្រាស់ លទ្ធិប្រជាធិបតេយ្យ ជាឧបករណ៍សម្រាប់ ឧបាយកលនយោបាយ ដោះស្រាយ “ឱនភាពប្រជាធិបតេយ្យ” របស់ខ្លួន ហើយឈរនៅខាងស្តាំ នៃទំនាក់ទំនងអន្តរជាតិ តាមបែបប្រជាធិបតេយ្យ៕
ដោយ ឈូក បូរ៉ា
