បរទេស ៖ វិមានក្រឹមឡាំង បានកត់សម្គាល់អំពីការដាក់ពង្រាយទ្រព្យសម្បត្តិយោធា របស់រុស្ស៊ី នៅក្នុងប្រទេសគុយបា និង ប្រទេស វេណេស៊ុយអេឡា កំពុងបង្ហាញពីភាព ធ្ងន់ធ្ងរ នៃស្ថានការណ៍ ដែលកំពុងលាតត្រដាងដល់រដ្ឋាភិបាល ទីក្រុងវ៉ាស៊ីនតោន ។ លោកបណ្ឌិត Paul Craig Roberts អតីតមន្ត្រីរដ្ឋបាល លោកប្រធានាធិបតី Reagan បាននិយាយថា បញ្ហាទាំងមូលអាចត្រូវបានដោះស្រាយ ដោយការផ្តល់ឱ្យរុស្ស៊ី នូវការធានាផ្នែក សន្តិសុខ ។
យោងតាមសារព័ត៌មាន Sputnik ចេញផ្សាយនៅថ្ងៃទី២០ ខែមករា ឆ្នាំ២០២២ បានឱ្យដឹងថា អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃចន្ទថា រុស្ស៊ីកំពុងស្វែងរកជម្រើស ដើម្បីធានាសន្តិសុខរបស់ខ្លួន ដោយមិនបដិសេធការ ដាក់ពង្រាយមីស៊ីលរុស្ស៊ី នៅក្នុងប្រទេសគុយបា និងវេណេហ្ស៊ុយអេឡា ឡើយ ប្រសិនបើសហរដ្ឋអាមេរិក និង អង្គការណាតូ មិនអើពើ ចំពោះការព្រួយបារម្ភរបស់រដ្ឋាភិបាល ទីក្រុងមូស្គូ ហើយបន្តបង្កើនយោធា នៅមាត់ទ្វាររបស់រុស្ស៊ីទៀតនោះ ។
កាលពីសប្តាហ៍មុន អនុរដ្ឋមន្ត្រី ការបរទេសរុស្ស៊ីលោក Sergei Ryabkov ដែលបានដឹកនាំគណៈប្រតិភូរុស្ស៊ីក្នុងកិច្ចពិភាក្សាកាលពីថ្ងៃទី ១០ ខែមករា ជាមួយសហរដ្ឋអាមេរិក នៅទីក្រុងហ្សឺណែវ គឺ បានប្រាប់ RTVI TV ថា លោកនឹងមិន “បញ្ជាក់ឬដកចេញ” ចំពោះលទ្ធភាព ដែលរុស្ស៊ី អាចបញ្ជូនទ្រព្យសម្បត្តិ យោធាទៅឱ្យ ប្រទេសនៅអាមេរិកឡាទីនទាំងពីរនេះទេ ។ ក្នុងករណីការចរចា ជាមួយអាមេរិក និងណាតូ បរាជ័យ ហើយការពង្រីកសម្ព័ន្ធភាព នៅតែបន្ត៕
ប្រែសម្រួលៈ ណៃ តុលា
