ព្រុចសែល៖ សហភាពអឺរ៉ុប បានរៀបចំដើម្បីការពារប្រឆាំងនឹងការវាយប្រហារតាមអ៊ីនធឺណិតរបស់រុស្សី ឬការគំរាមកំហែងកូនកាត់ ប្រសិនបើវាឈ្លានពានអ៊ុយក្រែន ហើយ “មានភាពជឿនលឿនណាស់” ក្នុងការរៀបចំរបស់ខ្លួន សម្រាប់ការឆ្លើយតបទៅនឹងការឈ្លានពានណាមួយ នេះបើតាមការលើកឡើងរបា់អ្នកការទូតកំពូលអឺរ៉ុបលោក Josep Borrell។
លោកបានប្រាប់អ្នកសារព័ត៌មានបន្ទាប់ពីកិច្ចប្រជុំរបស់រដ្ឋមន្ត្រីការបរទេសនៃប្រទេសជាសមាជិកសហភាពអឺរ៉ុបថា ប្លុកនេះត្រូវបានរួបរួមនៅក្នុងវិធីសាស្រ្តរបស់ខ្លួន នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកបានបន្ដថា “ការកសាងយោធារបស់រុស្ស៊ីនៅក្នុង និងជុំវិញអ៊ុយក្រែន និងការប៉ុនប៉ងរបស់រុស្ស៊ី ដើម្បីបង្កើតឡើងវិញនូវបន្ទាត់បែងចែកនៅលើទ្វីបរបស់យើង ធ្វើឱ្យខូចដល់មូលដ្ឋានគ្រឹះ និងគោលការណ៍សំខាន់ៗ ដែលសន្តិសុខអឺរ៉ុបត្រូវបានសាងសង់ឡើង និងនាំយកមកវិញនូវការចងចាំដ៏ខ្មៅងងឹតនៃផ្នែកនៃឥទ្ធិពល ដែលមិនមែនជាកម្មសិទ្ធិរបស់ប្លុក”។
លោកបានលើកឡើងថា សហភាពអឺរ៉ុប បានអះអាងសារជាថ្មីនូវការគាំទ្រយ៉ាងពេញទំហឹង និងមិនអាចប្រកែកបានចំពោះអ៊ុយក្រែន ហើយថារាល់ការឈ្លានពានយោធាប្រឆាំងនឹងអ៊ុយក្រែន នឹងមានផលវិបាកធ្ងន់ធ្ងរ និងការចំណាយដ៏ធំសម្រាប់ជនល្មើស។
លោកបានបន្ថែមថា រដ្ឋមន្ត្រីការបរទេសមានការផ្លាស់ប្តូរជាយូរមក ហើយជាមួយរដ្ឋមន្ត្រី ការបរទេសសហរដ្ឋអាមេរិក លោក Antony Blinken នៅលើផ្លូវខាងមុខ។ លោក Borrell បានលើកឡើងថាកិច្ចខិតខំប្រឹងប្រែងការទូតរួមនឹងបន្តបញ្ចុះបញ្ចូលរុស្ស៊ីឱ្យដើរតាមផ្លូវនៃការសន្ទនា “ទោះបីជាវោហាសាស្ត្ររុស្ស៊ី មិនចង់បានទំនុកចិត្តច្រើនក៏ដោយ” ។
នៅក្នុងនោះដែរលោក បានជំរុញឱ្យរុស្ស៊ី បន្តចូលរួមជាមួយដៃគូអន្តរជាតិរបស់ខ្លួនដើម្បី ពន្យល់និងលុបបំបាត់ព័ត៌មានមិនពិតដែលជា “ការរៀបរាប់ដ៏គ្រោះថ្នាក់ដែលកំពុងត្រូវបានផ្សព្វផ្សាយ”៕
ដោយ ឈូក បូរ៉ា
