ប្រធានអង្គការណាតូ មើលឃើញថា រុស្ស៊ី អាចនឹងធ្វើសកម្មភាព ដ៏ធំទូលាយ ប្រឆាំងនឹងអ៊ុយក្រែន

ព្រុចសែល ៖ ប្រធានអង្គការណាតូ លោក Jens Stoltenberg បានលើកឡើងថា រុស្ស៊ីអាចធ្វើសកម្មភាពឈ្លានពាន “ទូលំទូលាយ” ប្រឆាំងនឹងអ៊ុយក្រែន ប៉ុន្តែលោកបានសង្កត់ធ្ងន់ថា បង្អួចនៅតែបើកចំហ ចំពោះដំណោះស្រាយដោយសន្តិវិធី និងចរចា ។

ខណៈដែលសម្ព័ន្ធភាពយោធា នៅតែមិនប្រាកដថា តើវិមានក្រឹមឡាំងអាចធ្វើអ្វីបាននោះ លោក Stoltenberg បានប្រាប់ព្រឹត្តិការណ៍មួយ ដែលរៀបចំដោយក្រុមអ្នកគិតគូរ របស់សហរដ្ឋអាមេរិក ក្រុមប្រឹក្សាអាត្លង់ទិកថា រុស្ស៊ីមានជម្រើសជាច្រើន ដែលអាចរកបាន។

• 

លោក Stoltenberg បានលើកឡើងថា “សង្គ្រាម Cyber គឺមួយ កិច្ចខិតខំប្រឹងប្រែងធ្វើរដ្ឋប្រហារ ដើម្បីផ្តួលរំលំរដ្ឋាភិបាល ក្នុងទីក្រុងគៀវ ការបំផ្លិចបំផ្លាញ – ពួកគេមានមន្រ្តីស៊ើបការណ៍សម្ងាត់ ដែលធ្វើការនៅក្នុងប្រទេសអ៊ុយក្រែន ដូចដែលយើងនិយាយ។ ដូច្នេះយើងត្រូវត្រៀមខ្លួន សម្រាប់ទម្រង់ផ្សេងៗគ្នា ឬសកម្មភាពឈ្លានពានរបស់រុស្ស៊ី ប្រឆាំងនឹងអ៊ុយក្រែន ។

ប៉ុន្តែលោកបានបន្ថែមថា លោកមានការស្ទាក់ស្ទើរ ក្នុងការឆ្ពោះទៅរកការប៉ាន់ស្មានឆ្ងាយពេក ពីព្រោះគោលបំណង នៅពេលនេះ គឺដើម្បីព្យាយាមកាត់ បន្ថយភាពតានតឹង “យើងសូមអំពាវនាវឱ្យរុស្ស៊ី អង្គុយចុះ និងចូលរួមកិច្ចពិភាក្សា ដើម្បីទប់ស្កាត់នូវសេណារីយ៉ូទាំងនេះ និងស្វែងរកដំណោះស្រាយ នយោបាយ “។

បស្ចិមប្រទេសកំពុងស្ថិត ក្នុងភាពស្រពិចស្រពិលជុំវិញ ការដាក់ពង្រាយទ័ពរុស្សីជាង ១០ម៉ឺននាក់ នៅតាមព្រំដែនអ៊ុយក្រែន ដែលបង្កើនការភ័យខ្លាចថា ទីក្រុងម៉ូស្គូ អាចនឹងមានគម្រោងការឈ្លានពានបន្ថែមទៀត លើប្រទេសជិតខាងរបស់ខ្លួន។

អង្គការណាតូបានបើកកិច្ចប្រជុំជាច្រើន ស្តីពីការគំរាមកំហែងដែលយល់ឃើញ ហើយមានគម្រោងមួយផ្សេងទៀត សម្រាប់ថ្ងៃទី១៦ ខែកុម្ភៈដល់ថ្ងៃទី ១៧ ខែកុម្ភៈនៃរដ្ឋមន្ត្រីការពារជាតិសម្ព័ន្ធមិត្ត។

លោក Stoltenberg បានលើកឡើងថា “មានភាពខុសប្លែកគ្នាខ្លះរវាងសម្ព័ន្ធមិត្ត” លើអ្វីដែលការគាំទ្រគួរតែត្រូវបានពង្រីកដល់អ៊ុយក្រែន ដែលមិនមែនជាសមាជិករបស់ណាតូ ហើយនឹងមិនទទួលបានការដាក់ពង្រាយ កងទ័ពប្រយុទ្ធណាមួយឡើយ៕

ដោយ ឈូក បូរ៉ា