បរទេស ៖ ការដាក់ពង្រាយប្រព័ន្ធមីស៊ីលឡើងវិញ កំពុងប្រព្រឹត្តទៅជាផ្នែកមួយ នៃសមយុទ្ធយោធា នាពេលខាងមុខ នៃរដ្ឋសហភាពរុស្សី និង ប្រទេសបេឡារុស ។
យោងតាមសារព័ត៌មាន Sputnik ចេញផ្សាយ នៅថ្ងៃទី២៩ ខែមករា ឆ្នាំ២០២២ បានឱ្យដឹងថា ក្រសួងការពារជាតិរុស្ស៊ី បានប្រាប់ អ្នកយកព័ត៌មាន នៅថ្ងៃសៅរ៍ថា ប្រទេសរុស្ស៊ីជាផ្នែកមួយនៃការត្រួតពិនិត្យ កងកម្លាំងប្រតិកម្ម នៃរដ្ឋសហភាព បានដាក់ពង្រាយប្រព័ន្ធមីស៊ីលប្រឆាំង យន្តហោះ Pantsir-S និងប្រព័ន្ធកាំភ្លើងធំ AA ចំនួន 12 ទៅកាន់ប្រទេសបេឡារុស ។
យោងតាមសេចក្តីថ្លែងការណ៍ របស់ក្រសួងការពារជាតិរុស្ស៊ី គឺយោធារុស្ស៊ី កំពុងធ្វើដំណើរឆ្ពោះ ទៅកាន់ការផ្លាស់ទីតាំងទៅ កាន់សាធារណរដ្ឋបេឡារុស។ ចំណែករថភ្លើងមួយទៀត បានបញ្ជូនកងវរសេនាតូច នូវ ប្រព័ន្ធមីស៊ីល Pantsir-S នៃយោធាភាគខាងកើត ទៅកាន់ស្ថានីយ៍ រថភ្លើងដឹកទំនិញ។
ដូចដែលអាចមើលឃើញ នៅក្នុងវីដេអូពីក្រសួង គឺកងវរសេនាតូច នៃកងវរសេនាតូចដែលមាន Pantsir-S ដែលបានមកដល់ក្នុងប្រទេសនេះ រួមមានរថយន្តប្រយុទ្ធចំនួន 12 គ្រឿង ដែលរថយន្តនីមួយៗអាចផ្ទុកកាំជ្រួចប្រឆាំងយន្តហោះចំនួន 12 គ្រឿង ក្នុងការដឹកជញ្ជូន និងដាក់កុងតឺន័រ៕
ប្រែសម្រួលៈ ណៃ តុលា
