ទីក្រុង CANBERRA ប្រទេសអូស្ត្រាលី — អូស្ត្រាលីនឹងផ្តល់ឧបករណ៍យោធា ដ៍សាហាវ ដល់អ៊ុយក្រែន ដើម្បីជួយប្រជាជនអ៊ុយក្រែន ទប់ទល់នឹង ការឈ្លានពានរបស់រុស្ស៊ី។ នេះបើតាមការផ្សាយរបស់ ទីភ្នាក់ងារព័ត៌មាន អាមេរិកាំង AP នៅមុននេះបន្តិច។
សេចក្តីប្រកាសរបស់រដ្ឋាភិបាលអូស្ត្រាលី កាលពីថ្ងៃចន្ ទមិនបានផ្តល់ព័ត៌មានលម្អិត អំពីសម្ភារៈ អ្វីដែលខ្លួនអាចនឹងត្រូវផ្ញើនោះទេ។ ចំណាត់ការនេះ ធ្វើឡើងបន្ទាប់ពីការផ្តល់ជូន កាលពីថ្ងៃសុក្រ លើឧបករណ៍យោធា ដែលមិនមានគ្រោះថ្នាក់ ការផ្គត់ផ្គង់វេជ្ជសាស្រ្ត និងការរួមចំណែក ចំនួន៣លានដុល្លារ ដល់មូលនិធិ Trust របស់អង្គការណាតូសម្រាប់ការគាំទ្រប្រទេស ដែលត្រូវបានឡោមព័ទ្ធ។
អូស្ត្រាលី បានដាក់ទណ្ឌកម្ម លើបុគ្គលរុស្សីជាង ៣៥០នាក់ ក្នុងនោះមានលោកប្រធានាធិបតីរុស្ស៊ី វ្ល៉ាឌីមៀ ពូទីន តាំងពីថ្ងៃព្រហស្បតិ៍មក។
អូស្ត្រាលី ក៏បានកំណត់គោលដៅ ដាក់ទណ្ឌកម្មបុគ្គល និងអង្គភាពចំនួន១៣ នៅក្នុងប្រទេសបេឡារុស្ស រួមទាំងរដ្ឋមន្ត្រីការពារជាតិរបស់ប្រទេសនោះ លោក Viktor Khrenin ផងដែរ។ បេឡារុស កំពុងគាំទ្ររុស្ស៊ី ក្នុងសង្រ្គាម ជាមួយអ៊ុយក្រែន។
ប្រែសម្រួលដោយ៖ សយ សុភា
