គៀវ៖ ប្រធានាធិបតី អ៊ុយក្រែន លោក Volodymyr Zelenskyy បានលើកឡើងថា លោកលែងដាក់សម្ពាធឱ្យសមាជិកភាពណាតូ ផ្ដល់ភាពជាសមាជិក សម្រាប់អ៊ុយក្រែនទៀតហើយ ដែលជាហេតុផលមួយ ក្នុងចំណោមហេតុផល ដែលបានបញ្ជាក់របស់រុស្ស៊ី សម្រាប់ការលុកលុយ ប្រទេសជិតខាង ដែលគាំទ្រដោយលោកខាងលិច មួយនេះ។
នៅក្នុងការងឿងឆ្ងល់ មួយផ្សេងទៀត ដែលមានបំណងដាក់ ទីក្រុងមូស្គូ លោក Zelenskyy បានលើកឡើងថា លោកបើកចំហដើម្បី “សម្របសម្រួល” លើស្ថានភាពនៃទឹកដីគាំទ្ររុស្ស៊ី ដែលបែកបាក់ពីរ ដែលប្រធានាធិបតីរុស្ស៊ី លោក វ្លាឌីមៀ ពូទីន ទទួលស្គាល់ថាជារដ្ឋឯករាជ្យ មុនពេលឈ្លានពាន អ៊ុយក្រែននៅថ្ងៃទី២៤ ខែកុម្ភៈ។
លោក Zelenskyy បានឲ្យដឹងនៅក្នុងបទសម្ភាសន៍មួយ ដែលបានចាក់ផ្សាយ កាលពីយប់ថ្ងៃច័ន្ទលើ ABC News ថា “ខ្ញុំបានដាក់ចុះ ទាក់ទងនឹងសំណួរនេះ ជាយូរមកហើយ បន្ទាប់ពីយើងយល់ថា … ណាតូ មិនបានរៀបចំខ្លួន ដើម្បីទទួលយកអ៊ុយក្រែន” ។
ដោយសំដៅលើ សមាជិកភាពរបស់អង្គការណាតូ លោក Zelenskyy បាននិយាយតាមរយៈអ្នកបកប្រែថា លោកមិនចង់ធ្វើជាប្រធានាធិបតីនៃ “ប្រទេសដែលកំពុងសុំទាន អ្វីមួយ ដោយលុតជង្គង់” នោះទេ។
ដោយឡែកភាគី រុស្ស៊ីបានឲ្យដឹងថា ខ្លួនមិនចង់ឱ្យប្រទេសជិតខាងអ៊ុយក្រែន ចូលរួមជាមួយអង្គការណាតូ ដែលជាសម្ព័ន្ធភាពឆ្លងអាត្លង់ទិក ដែលបានបង្កើតឡើង នៅដើមសង្រ្គាមត្រជាក់ ដើម្បីការពារអឺរ៉ុប ពីសហភាពសូវៀត នោះទេ។
ក្នុងរយៈពេលប៉ុន្មានឆ្នាំចុងក្រោយនេះ សម្ព័ន្ធភាពបានពង្រីកបន្ថែមទៀត និងឆ្ពោះទៅទិសខាងកើត ដើម្បីដណ្តើមយកអតីត បណ្តាប្រទេសប្លុកសូវៀត ដោយធ្វើឱ្យវិមានក្រឹមឡាំង ខឹងសម្បារ៕
ប្រែសម្រួល ឈូក បូរ៉ា
