ប៉េកាំង ៖ អ្នកនាំពាក្យចិន បានឲ្យដឹងថា សហរដ្ឋអាមេរិក រិះគន់ជំហររបស់ចិន ចំពោះអ៊ុយក្រែន ក្នុងការ “ស្វែងរកកន្លែង សម្រាប់ផែនការ នៃការគាបសង្កត់ចិន និងរុស្ស៊ី ក្នុងពេលដំណាលគ្នា”។
អ្នកនាំពាក្យក្រសួង ការបរទេសចិនលោក ចាវ លីជៀន បានធ្វើការកត់សម្គាល់ ជាការឆ្លើយតបទៅនឹងរបាយការណ៍ របស់ប្រព័ន្ធផ្សព្វផ្សាយថា អត្ថបទរបស់កាសែត New York Times ចំនួនពីរអំពីអ្វី ដែលហៅថា ចំណេះដឹងជាមុនរបស់ចិន អំពីប្រតិបត្តិការយោធា របស់រុស្ស៊ីប្រឆាំង នឹងអ៊ុយក្រែនទាំងពីរ ត្រូវបានបង្កើតឡើងតាមលំដាប់ ហើយនាយកនៅពីក្រោយរឿង ទាំងអស់នេះ គឺជាមន្ត្រីអាមេរិក។
លោក ចាវ បានលើកឡើងថា “សហរដ្ឋអាមេរិកបាន និងកំពុងផ្សព្វផ្សាយព័ត៌មាន មិនពិតអំពីប្រទេសចិន អំពីបញ្ហាអ៊ុយក្រែន ជាមួយនឹងការប៉ុនប៉ងផ្លាស់ប្តូរការស្តីបន្ទោស បង្កការប្រឈមមុខដាក់គ្នា និងប្រាក់ចំណេញ ពីបញ្ហានេះ” ។
លោក បានលើកឡើងថា “សហរដ្ឋអាមេរិក បាននិងកំពុងផ្សព្វផ្សាយព័ត៌មាន មិនពិតអំពីប្រទេសចិន លើបញ្ហាអ៊ុយក្រែន ការអនុវត្តគឺគួរឱ្យស្អប់ខ្ពើម” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
ការយល់ឃើញពីរបៀប ដែលបញ្ហា អ៊ុយក្រែន បានវិវត្តទៅរកអ្វី ដែលមានសព្វថ្ងៃ គឺ ច្បាស់ណាស់ ។ លោក ចាវ បានលើកឡើងថា ចំណាត់ការ របស់អង្គការណាតូ ដែលដឹកនាំដោយសហរដ្ឋអាមេរិក បានរុញច្រានភាពតានតឹងរុស្ស៊ី និងអ៊ុយក្រែន ដល់ចំណុចបំបែក។
លោកបានបន្ដថា ខណៈដែលមើលទៅឆ្ងាយ ពីការទទួលខុសត្រូវរបស់ខ្លួន សហរដ្ឋអាមេរិក រិះគន់ជំហររបស់ចិន ចំពោះអ៊ុយក្រែន ក្នុងការស្វែងរកកន្លែង សម្រាប់ផែនការនៃការគាបសង្កត់ចិន និងរុស្ស៊ីក្នុងពេលដំណាលគ្នា ក្នុងគោលបំណងរក្សា អនុត្តរភាពរបស់ខ្លួន ៕ប្រែសម្រួល ឈូក បូរ៉ា
