ប៉េកាំង ៖ សហរដ្ឋអាមេរិក គួរតែធ្វើសកម្មភាព ប្រកបដោយ ទំនួលខុសត្រូវ និងផ្តល់ការបញ្ជាក់ ឱ្យបានហ្មត់ចត់មួយ ទាក់ទងនឹង សកម្មភាព យោធាជីវសាស្ត្រ សកលរបស់ខ្លួន រួមទាំងសកម្មភាព នៅអ៊ុយក្រែនផងដែរ នេះបើយោងតាមអត្ថបទ ដែលបានចេញផ្សាយ នៅក្នុងកាសែត People’s Daily ។
អត្ថបទនេះបានឲ្យដឹងថា កាលពីពេលថ្មីៗនេះ រុស្សី បានលាតត្រដាងព័ត៌មាន អំពីសកម្មភាពយោធាជីវសាស្ត្រ របស់សហរដ្ឋអាមេរិក នៅអ៊ុយក្រែន ដោយបើកស្បៃមុខលើ សហរដ្ឋអាមេរិកថាជា “អាណាចក្រយោធាជីវសាស្រ្ត” ។
កាសែតបានឲ្យដឹងថា សហរដ្ឋអាមេរិក គឺជាប្រទេសសកម្មបំផុត របស់ពិភពលោកក្នុង វិស័យយោធាជីវសាស្រ្ត ។ ក្នុងប៉ុន្មានទសវត្សរ៍ថ្មីៗនេះ ទឹកដីនៃ “អាណាចក្រយោធាជីវសាស្រ្ត” របស់ខ្លួនបានបន្តពង្រីក ដោយទិន្នន័យផ្ទាល់របស់វាបង្ហាញថា សហរដ្ឋអាមេរិក ។
ក្រសួងការពារជាតិ អាមេរិក បានគ្រប់គ្រង biolabs រាប់រយកន្លែងនៅក្នុងជាង ៣០ប្រទេសក្រោមឈ្មោះផ្សេងៗគ្នា ។ ប្រភពបានបន្ថែមថា ការស្រាវជ្រាវ ជីវសាស្ត្រយោធា ដែលត្រូវបានចោទប្រកាន់ នៅក្នុងប្រទេសអ៊ុយក្រែន គឺគ្រាន់តែជាចុង នៃផ្ទាំងទឹកកក មិនទាន់បំបែកមួយតែប៉ុណ្ណោះ។
មានការឯកភាពជាអន្តរជាតិ លើការធានាការអនុលោមភាព ជាសកលជាមួយសន្ធិសញ្ញាអន្តរជាតិ ដោយប្រើប្រាស់ការផ្ទៀង ផ្ទាត់ពហុភាគី។ ទោះបីជាយ៉ាងណាក៏ដោយ សហរដ្ឋអាមេរិក ចាត់ទុកសកម្មភាពយោធាជីវសាស្ត្រ សកលរបស់ខ្លួនជាអាជីវកម្មរបស់ខ្លួន ជាមួយនឹងលទ្ធផល ដែលគ្មាននរណាម្នាក់ អាចគ្រប់គ្រងវាបាន ។
សហរដ្ឋអាមេរិកអះអាងយ៉ាងម៉ឺងម៉ាត់ថា ខ្លួននឹងសម្រេចចិត្តដោយខ្លួនឯងថា តើខ្លួនបានគោរព តាមអនុសញ្ញា អាវុធជីវសាស្ត្រ (BWC) ហើយខ្លួនបដិសេធមិនទទួលយកការ ស៊ើបអង្កេតណាមួយ ដោយប្រទេសដទៃទៀតឬយ៉ាង ។
ទន្ទឹមនឹងនេះ អាមេរិកបានក្លែងបន្លំ ដាក់ស្លាកប្រទេស ណាមួយ ដែលធ្វើការសាកសួរថាជា “ការផ្សព្វផ្សាយ ព័ត៌មានមិនពិត” ដែលជាទម្រង់ នៃតក្កវិជ្ជាធម្មតា នៃក្រុមចោរ និងជាទង្វើ នៃអនុត្តរភាព នេះបើយោងតាមអត្ថបទ៕
ប្រែសម្រួល ឈូក បូរ៉ា
