បរទេស៖ នាយករដ្ឋមន្ត្រីអូស្ត្រាលី លោក Scott Morrison បាននិយាយថា ប្រទេសចិននឹងប្រឈមមុខនឹងផលវិបាក ប្រសិនបើប្រទេសនេះគាំទ្រការវាយប្រហារ របស់រុស្ស៊ីលើអ៊ុយក្រែន ដោយលើកហេតុផលថា ទង្វើបែបនេះនឹងជា “ការស្អប់ខ្ពើម” ខណៈពេលដែលបានចង្អុលបង្ហាញអំពីទណ្ឌកម្មអន្តរជាតិ ថ្មីសម្រាប់ទីក្រុងប៉េកាំង ផងដែរ។
យោងតាមសារព័ត៌មាន RT ចេញផ្សាយនៅថ្ងៃទី១៧ ខែមីនា ឆ្នាំ២០២២ បានឱ្យដឹងថា នៅពេលសួរថាតើការពិន័យណាមួយត្រូវបានរក្សាទុកសម្រាប់ ប្រទេសចិនជុំវិញការបដិសេធរបស់ខ្លួនក្នុងការថ្កោលទោស ការវាយលុករបស់រុស្ស៊ីដែលកំពុងបន្តនោះ នាយករដ្ឋមន្ត្រីអូស្រ្តាលីបាន ប្រាប់អ្នកសារព័ត៌មានថា អូស្ត្រាលីនឹងចូលរួមជា មួយសម្ព័ន្ធមិត្តក្នុងការ ដាក់ទណ្ឌកម្មប្រទេសនេះ។
លោក Scott Morrison បាននិយាយកាលពីថ្ងៃពុធថា “យើងនឹងឈានទៅដំណាក់កាលចូលរួមជាមួយដៃគូ និងសម្ព័ន្ធមិត្តរបស់យើងលើបញ្ហាទាំងនេះ ហើយសហរដ្ឋអាមេរិកបានធ្វើសេចក្តីថ្លែងការណ៍ ច្បាស់លាស់មួយចំនួនអំពីរឿងនេះ ហើយយើងគាំទ្រសេចក្តីថ្លែងការណ៍ទាំងនោះ” ។ លោកបានអំពាវនាវឱ្យ “ពិភពលោកទាំងមូល ” ដាក់ ” ការបញ្ចប់អំពើហិង្សា និងការឈ្លានពានដ៏គួរឲ្យភ័យខ្លាចនេះ ដោយរុស្ស៊ីនៅអ៊ុយក្រែន» ផងដែរ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
