បរទេស ៖ យោងតាមការ ចេញផ្សាយ របស់ RT.com កាលពីថ្ងៃសុក្រម្សិលមិញនេះ បានឲ្យដឹងថា ឧទ្ធម្ភាគចក្រយោធាមួយ របស់កងកម្លាំងទ័ពម៉ារីនអាមេរិក ដែលមានមនុស្ស៤នាក់ នៅពីខាងក្នុងបានជួបឧប្បទ្ទេវហេតុ ធ្លាក់នៅភាគខាងជើង នៃប្រទេសនវេសអំឡុងពេល នៃការធ្វើសមយុទ្ធយោធា ដែលមានឈ្មោះថា Cold Respone របស់អង្គការណាតូ នៅក្នុងតំបន់អាក់តិក។
កងកម្លាំងនៃប្រទេសនវេស បានបញ្ជាក់ថា ទីតាំងនៃកន្លែងបាត់ខ្លួន និងធ្លាក់ឧទ្ធម្ភាគចក្រមួយគ្រឿងនេះ ត្រូវបានគេកំណត់រកឃើញហើយ ហើយបច្ចុប្បន្នក្រុមការងារ កំពុងធ្វើដំណើរ ទៅកាន់ទីនោះ ដើម្បីពិនិត្យប៉ុន្តែក៏កំពុង ជួបបញ្ហាលំបាកខ្លាំង ដោយសារ តែអាកាសធាតុនិងស្ថាន ដីមិនអំណោយផល ក្នុងការធ្វើដំណើរផងដែរ ។
ឧទ្ធម្ភាគចក្រប្រភេទ V-22 Osprey ត្រូវបានគេជឿជាក់ថា កំពុងស្ថិតនៅក្នុងការហ្វឹកហ្វឺន ហើយគ្រោងនឹងធ្វើការចុះចតមកដីវិញ នៅមូលដ្ឋានទ័ពអាកាស Forsvaret នៅវេលាម៉ោង ៦ល្ងាច ប៉ុន្តែបែរជាបានបាត់ ខ្លួនចេញពីប្រព័ន្ធគ្រប់គ្រង ហើយប្រតិបត្តិការស្វែងរកត្រូវបានធ្វើឡើង នៅវេលាម៉ោងប្រមាណជា ៦និង៣០នាទីល្ងាច ៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
