បរទេស៖ យោងតាមការចេញផ្សាយរបស់ rt.com កាលពីថ្ងៃម្សិលមិញនេះ បានឲ្យដឹងថា ប្រទេសអាល្លឺម៉ង់ និងប្រទេស៊ុយអែត បានប្រកាសក្នុងការបញ្ជូន សព្វាវុធមានរួមទាំងមីស៊ីលប្រឆាំង រថក្រោះរាប់ពាន់គ្រាប់ផង ទៅកាន់ប្រទេសអ៊ុយក្រែនបន្ថែមទៀត ដើម្បីអាចប្រឈមមុខទៅនឹង ការលុកលុយដោយប្រទេសរុស្សី។
លោកស្រីរដ្ឋមន្ត្រីក្រសួង ការបរទេសស៊ុយអែត Ann Linde បានបញ្ជាក់ថា ប្រទេសរបស់លោកស្រី នឹងបញ្ជូនអាវុធប្រឆាំង រថក្រោះប្រមាណជា ៥០០០គ្រាប់ ទៅកាន់ប្រទេសអ៊ុយក្រែនបន្ថែមពី លើអាវុធប្រភេទដូចគ្នានេះ ៥០០០គ្រាប់ ដែលកន្លងមកធ្លាប់បានបញ្ជូន រួចរាល់ហើយទៅកាន់ប្រទេសនេះ ហើយលោកស្រីបានហៅការ សម្រេចចិត្តនេះថាគឺជាព្រឹត្តិការណ៍ ប្រវត្តិសាស្ត្រមួយ ។
ក្នុងពេលជាមួយគ្នានេះ អាល្លឺម៉ង់វិញតាមរយៈ រដ្ឋមន្ត្រីក្រសួងការពារជាតិ Christine Lambrecht វិញក៏បានអះអាងថា នឹងបញ្ជូនគ្រាប់រ៉ូកែត ២០០០គ្រាប់ ពីមូលដ្ឋានទ័ពរបស់ខ្លួនទៅឲ្យ ប្រទេសអ៊ុយក្រែនផងដែរ។
គួរឲ្យដឹងដែរទាំងស៊ុយអែត ប៉ុន្មានឆ្នាំចុងក្រោយនេះ បាននឹងកំពុងបង្កើនការចំណាយ ទៅលើវិស័យយោធារបស់ខ្លួន យ៉ាងខ្លាំងដោយក្នុងនោះស៊ុយអែត បានបញ្ជាក់ថា នឹងបង្កើនចំណាយយោធាដល់ទៅ ២ភាគរយនៃ GDP សរុបក្នុងឆ្នាំនេះ ខណៈដែលអាល្លឺម៉ង់នឹងបង្កើន ការចំណាយដល់ទៅ ២ភាគរយ ដូចគ្នានៃ GDP និងវិនិយោគបន្ថែមប្រមាណជា ១០០ពាន់លានអឺរ៉ូទៀត ទៅលើការផលិត និងទិញអាវុធបន្ថែម រួមទាំងយន្តហោះ ចម្បាំង F-35 ពីអាមេរិក និងដ្រូនពីអ៊ីស្រាអ៊ែលផងដែរ ៕
ប្រែសម្រួល៖ ស៊ុន លី
