សេអ៊ូល៖ ការបាញ់សាកល្បង មីស៊ីលផ្លោងអន្តរទ្វីប (ICBM) ប្រភេទថ្មី Hwasongpho-17 របស់កងកម្លាំងយុទ្ធសាស្ត្រ នៃសាធារណរដ្ឋប្រជាធិបតេយ្យ ប្រជាមានិតកូរ៉េ (កូរ៉េខាងជើង) ត្រូវបានធ្វើឡើង នៅថ្ងៃព្រហស្បតិ៍ ម៉ោងក្នុងស្រុក ក្រោមការណែនាំផ្ទាល់ របស់មេដឹកនាំកូរ៉េខាងជើង លោក Kim Jong Un ដែលជាមន្ត្រីផ្លូវការ។
ទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍ កាលពីព្រឹកថ្ងៃសុក្រនេះឲ្យដឹងថា លោក គីម ជុងអ៊ុន អគ្គលេខាបក្សពលករកូរ៉េ ប្រធានកិច្ចការរដ្ឋ នៃកូរ៉េខាងជើង និងជាមេបញ្ជាការកំពូល នៃកងកម្លាំងប្រដាប់អាវុធកូរ៉េខាងជើង បានធ្វើការបញ្ជា ជាលាយលក្ខណ៍អក្សរ ដើម្បីធ្វើការបាញ់សាកល្បងមីស៊ីល ICBM ប្រភេទថ្មី នៃយុទ្ធសាស្ត្រកូរ៉េខាងជើង។
លោកបានទៅទស្សនាកន្លែងបាញ់បង្ហោះ កាលពីថ្ងៃព្រហស្បតិ៍ ហើយបានដឹកនាំដោយផ្ទាល់ នូវដំណើរការទាំងមូល នៃការបាញ់សាកល្បង នេះបើយោងតាមរបាយការណ៍របស់ KCNA៕ ប្រែសម្រួល ឈូក បូរ៉ា
