បរទេស៖ ក្នុងរយៈពេលប៉ុន្មានម៉ោងនៃការអះអាងពី ក្រុមអ្នកសារព័ត៌មានស៊ើបអង្កេត Bellingcat កាលពីថ្ងៃចន្ទថា មហាសេដ្ឋីរុស្ស៊ី Roman Abramovich និងអ្នកចរចាអ៊ុយក្រែនពីរនាក់ អាចត្រូវបានបំពុលដោយរដ្ឋាភិបាលទីក្រុងម៉ូស្គូ ដើម្បីបញ្ឈប់ការចរចាសន្តិភាពនៅអ៊ុយក្រែន ចំណែក រដ្ឋាភិបាលសហរដ្ឋអាមេរិកតាមសេចក្តីរាយការណ៍ បានសម្តែងការងឿងឆ្ងល់ទៅលើរឿងនេះ។
យោងតាមសារព័ត៌មាន RT ចេញផ្សាយកាលពីថ្ងៃទី២៨ ខែមីនា ឆ្នាំ២០២២ បានឱ្យដឹងថា ការស៊ើបអង្កេតបង្ហាញថារោគសញ្ញារបស់លោក Abramovich និងមន្ត្រីអ៊ុយក្រែនពីរនាក់ ដែលពាក់ព័ន្ធនឹងការចរចាសន្តិភាពជាមួយរុស្ស៊ី អាចបណ្តាលមកពីកត្តាបរិស្ថាន (កត្តាសុខភាពធម្មតា) ជំនួសឱ្យការបំពុលវិញ។ នេះបើតាមសារព័ត៌មាន រ៉យទ័របានរាយការណ៍ដោយដកស្រង់សម្តីមន្ត្រីរដ្ឋាភិបាលអាមេរិកដែលនិយាយក្នុងលក្ខខណ្ឌមិនបញ្ចេញឈ្មោះ។
មានការអះអាងដោយមិនបានបញ្ជាក់ បានឱ្យដឹងថា «ការស៊ើបអង្កេតបង្ហាញយ៉ាងខ្លាំងថានេះជា ផលប៉ះពាល់របស់បរិស្ថានមកលើសុខភាព មិនមែនជាការបំពុលនោះទេ។
សូមជម្រាបថា នៅមុននេះ កាសែត Wall Street Journal បានរាយការណ៍ថា បុរសទាំង៣នាក់មាន “រោគសញ្ញានៃការសង្ស័យថាពុល” ដែលរួមមាន “ភ្នែកក្រហម របកស្បែកនៅលើមុខ និងដៃរបស់ពួកគេ” ដោយសំអាងលើអ្នកដែលដឹងពីបញ្ហានេះ៕ប្រែសម្រួលៈ ណៃ តុលា
