បរទេស៖ រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយនៅថ្ងៃព្រហស្បតិ៍ថា វត្តមានណាមួយរបស់យោធាណាតូនៅក្នុងអាស៊ីកណ្តាល នឹងធ្វើឱ្យប៉ះពាល់ដល់សន្តិសុខនៃប្លុកដែលដឹកនាំដោយរុស្ស៊ីនៅក្នុងតំបន់។
យោងតាមសារព័ត៌មាន RT ចេញផ្សាយនៅថ្ងៃទី៣១ ខែមីនា ឆ្នាំ២០២២ បានឱ្យដឹងថា លោក Sergey Lavrov បានធ្វើអត្ថាធិប្បាយបែបនេះ នៅក្នុងកិច្ចប្រជុំកំពូលដែលរៀបចំដោយអាហ្វហ្គានីស្ថាននៅទីក្រុង Tunxi ប្រទេសចិន។
លោក Lavrov បាននិយាយថា “យើងជឿថា វាមិនអាចទទួលយកបានទេដែលមានហេដ្ឋារចនាសម្ព័ន្ធយោធារបស់សហរដ្ឋអាមេរិក និងណាតូ ឬអ្នកជួយអាហ្វហ្គានីស្ថានរបស់ពួកគេ នៅលើទឹកដីនៃរដ្ឋជិតខាង ជាពិសេសនៅអាស៊ីកណ្តាល” ដោយបន្ថែមថា “ការរចនាបែបនេះ គឺប្រឆាំងនឹងផលប្រយោជន៍សន្តិសុខនៃប្រទេសរបស់យើង”។
រដ្ឋមន្ត្រីការបរទេសរុស្ស៊ីលោក Sergey Lavrov បានបន្ថែមថា អត្ថិភាពនៃទីតាំងយោធាលោកខាងលិចនឹងផ្ទុយពីផលប្រយោជន៍របស់អង្គការសន្ធិសញ្ញាសន្តិសុខសមូហភាព (CSTO) ដែលជាប្លុកតំបន់ដឹកនាំដោយរុស្ស៊ី។ មន្ត្រីរុស្ស៊ីក៏បានអំពាវនាវឱ្យមាន “ការប្រុងប្រយ័ត្នបំផុត” ទាក់ទងនឹងការតាំងទីលំនៅរបស់ជនភៀសខ្លួនអាហ្វហ្គានីស្ថាននៅក្នុងរដ្ឋជាប់ព្រំដែនអាហ្វហ្គានីស្ថាន។ លោកបានអះអាងថា ប្រទេសនានាគួរតែពិចារណាអំពី “ហានិភ័យខ្ពស់” សម្រាប់សន្តិសុខរបស់ពួកគេ និងតំបន់ទាំងមូល៕ប្រែសម្រួលៈ ណៃ តុលា
NATO bases in Central Asia ‘unacceptable,’ Moscow says — RT Russia & Former Soviet Union
