ម៉ុស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានជួបសន្ទនា តាមទូរស័ព្ទជាមួយប្រធានាធិបតីតួកគី លោក Recep Tayyip Erdogan ក្នុងអំឡុងពេល ដែលមេដឹកនាំទាំងពីរ បានពិភាក្សាអំពីស្ថានភាព នៅអ៊ុយក្រែន ។
វិមានក្រឹមឡាំងបានឲ្យដឹង នៅក្នុងសេចក្តីថ្លែងការណ៍មួយថា “លោកពូទីន បានថ្លែងអំណរគុណប្រទេសតួកគី សម្រាប់ជំនួយ របស់ខ្លួន ក្នុងការធ្វើជាម្ចាស់ផ្ទះ នៃកិច្ចចរចាមួយផ្សេងទៀត រវាងតំណាងរុស្ស៊ី និង អ៊ុយក្រែន នៅថ្ងៃទី២៩ ខែមីនា នៅទីក្រុងអ៊ីស្តង់ប៊ុល ហើយបានចែករំលែក ការវាយតម្លៃជាគោលការណ៍ របស់លោក អំពីដំណើរការចរចា ដែលកំពុងបន្ត”។
លោក Erdogan បានថ្លែងអំណរ គុណដល់ប្រទេសរុស្ស៊ី សម្រាប់ការផ្តល់ជំនួយជាមួយនឹងការជម្លៀសពលរដ្ឋតួកគី ចេញពីតំបន់ប្រយុទ្ធសកម្មផងដែរ។ មេដឹកនាំទាំងពីរក៏បានពិភាក្សា អំពីទំនាក់ទំនងទ្វេភាគី ហើយត្រូវបានយល់ព្រមរក្សា ទំនាក់ទំនងទ្វេភាគីបន្ថែមទៀត៕
ប្រែសម្រួល ឈូក បូរ៉ា
