បរទេស៖ ប្រធានាធិបតីអ៊ុយក្រែនលោក Volodymyr Zelensky បានធ្វើការប្រកាសកាលពីថ្ងៃសៅរ៍ម្សិលមិញ ដើម្បីរៀបរាប់ពីលក្ខខណ្ឌណាខ្លះ ដែលនឹងអាចរុញច្រានឲ្យប្រទេសរបស់លោក នឹងធ្វើការដកខ្លួនចេញពីកិច្ចប្រជុំពិភាក្សា ដើម្បីសន្តិភាពជាមួយនឹងប្រទេសរុស្សី។
នៅអំឡុងពេលធ្វើសន្និសិទកាសែតមួយ ដែលធ្វើឡើងនៅក្នុងរដ្ឋធានី ទីក្រុងគៀវក្បែរទៅនឹងស្ថានីយរថភ្លើងក្រោមដី របស់ទីក្រុងលោក Zelensky ត្រូវបានចោទសួរថាតើលោកនឹងធ្វើការឆ្លើយតបយ៉ាងណា ចំពោះការធ្វើប្រជាមតិសំខាន់ ដែលស្ថិតនៅក្នុងដែនគ្រប់គ្រង ដោយកងកម្លាំង នៃប្រទេសរុស្សីនោះ លោក Zelensky បានឆ្លើយតបវិញភ្លាមៗថា នោះគឺជាអ្វីដែលបង្ខំឲ្យអ៊ុយក្រែន ក្នុងការបញ្ចប់ទៅនៃការពិភាក្សាទាំងឡាយ ជាមួយនឹងរុស្សីភ្លាមចំពោះការងារសន្តិភាព។
លោកប្រធានាធិបតីបានបញ្ជាក់បែបនេះថា ៖ប្រសិនបើពលរដ្ឋរបស់យើង ត្រូវបានរងការបំផ្លិចបំផ្លាញនៅក្នុងទីក្រុង Mariupol ហើយប្រសិនបើប្រជាមតិណាមួយគឺជាប្រជាមតិក្លែងបន្លំឬការបង្កើតសាធារណៈរដ្ឋថ្មីមួយ នៃអ៊ុយក្រែននោះ ប្រទេសអ៊ុយក្រែននឹងធ្វើការដកខ្លួនភ្លាម ចេញពីកិច្ចពិភាក្សាដើម្បីសន្តិភាព ជាមួយនឹងប្រទេសរុស្សី៕ ប្រែសម្រួល៖ស៊ុនលី
