យូអិន ៖ ក្រុមប្រឹក្សាសន្តិសុខអង្គការ សហប្រជាជាតិ កាលពីថ្ងៃអង្គារ បានថ្កោលទោស “ក្នុងលក្ខខណ្ឌខ្លាំងបំផុត” ចំពោះការបន្តការ វាយប្រហារភេរវកម្ម ដ៏សាហាវឃោរឃៅលើជនស៊ីវិល ក្នុងប្រទេសអាហ្វហ្គានីស្ថាន ។
ក្រុមប្រឹក្សាបាន ចេញសេចក្តីថ្លែងការណ៍មួយ ដើម្បីថ្កោលទោស ការវាយប្រហារភេរវកម្ម រួមទាំងការវាយប្រហារ ប្រឆាំងនឹងវិហារអ៊ីស្លាម Mawlawi Sekander នៅ Kunduz កាលពីថ្ងៃទី២២ ខែមេសា ដែលបានសម្លាប់មនុស្សជាង ២៥នាក់ និងការវាយប្រហារប្រឆាំងនឹងវិហារអ៊ីស្លាម Khalifa Sahib ក្នុងទីក្រុងកាប៊ុល នៅថ្ងៃទី២៩ ខែមេសា ដែលរបាយការណ៍ដំបូង បានឲ្យដឹងថា មនុស្សយ៉ាងតិច ៣០នាក់បានស្លាប់ និងជាច្រើននាក់ទៀតរងរបួស។
ការវាយប្រហារនេះ បានធ្វើឡើង បន្ទាប់ពីការវាយប្រហារថ្មីៗ ជាច្រើនផ្សេងទៀតប្រឆាំង នឹងជនស៊ីវិល និងហេដ្ឋារចនាសម្ព័ន្ធស៊ីវិល រួមទាំងនៅក្នុងសហគមន៍ ជនជាតិភាគតិចសាសនា នៅទូទាំងប្រទេស អាហ្វហ្គានីស្ថាន ក្នុងអំឡុងខែរ៉ាម៉ាដន ។
សេចក្តីថ្លែងការណ៍បានឲ្យដឹងថា “សមាជិក នៃក្រុមប្រឹក្សាសន្តិសុខ បានបញ្ជាក់ជាថ្មីថា អំពើភេរវកម្មក្នុងគ្រប់ទម្រង់ និងការបង្ហាញរបស់វា គឺជាការគំរាមកំហែង ដ៏ធ្ងន់ធ្ងរបំផុតមួយ ចំពោះសន្តិភាព និងសន្តិសុខ អន្តរជាតិ” ។
ពួកគេបានរំលឹកឡើងវិញថា អំពើភេរវកម្មណាមួយ គឺជាឧក្រិដ្ឋកម្ម និងមិនសមហេតុផល ដោយមិនគិតពីការលើកទឹកចិត្តរបស់ពួកគេ ទោះនៅកន្លែងណា នៅពេលណា និងដោយអ្នកណាក៏ដោយ ៕
ប្រែសម្រួល ឈូក បូរ៉ា
